Kontu-sailka, 27 kluberi 400.000 euro eman dizkie Udalak, ohiko jarduera aurrera eramateko. Alvaro Gonzalez Kirol zinegotziak azpimarratu duenez, “aurten diru kopuru osoa txikiagoa da, 'Getxo futbol' markan sartuta dauden taldeak kanpoan geratu direlako, hauek euren hitzarmen berezia baitaukate, 140.000 eurokoa, hain zuzen. Hitzarmenen bitartez egindako finantziatzioa da, eta horiekin oinarrizko kirolari sustapena eta egonkortasuna eman nahi diogu; eskolen garapena 'blindatu' nahi dugu horiek goi mailako senior taldeen gorabeherei lotuta egon ez daitezen”.
Bestalde, 17 kultur elkartek 77.500 euro jasoko dituzte. Itxartu (12.200 euro) eta Itxas Argia (11.500 euro) dantza taldeak dira, Antzezaleak artista getxotarren Elkartearekin batera, diru-laguntza handienak jasoko dituztenak. Diruz lagundutako gazte elkarteak, berriz, 12 izan dira (iaz baino bat gutxiago), eta horiek 28.000 euro jasoko dituzte.
Euskara kirol jardueratan sustatzeko laguntzak
Bestalde, lehen aipatu 520.980 euroen artetik, Getxoko Udalak 15.480 euro eman ditu udalerriko kirol taldeek, 8 eta 12 urte bitarteko umeentzat antolatzen dituzten eguneroko ekimenetan, euskara susta dezaten. Koldo Iturbek gogora ekarri du (mp3) “entrenamenduak eta formazio saioak laguntzen direla, hiru hilabete edo gehiagoko iraupena dituztenak, 8 eta 12 urte arteko umeek parte hartzen duten ekimenak, hain zuzen”. Bizarra Lepoan Elkarteak, “Gehitu Kirolera” –bertoko kirol arloan euskararen sustapenerako- proiektuaz arduratzen denak,deialdian ezarritako baldintzak betetzen direla egiaztatuko du.
Eskatutakoaren %100 justifikatu beharko dute Getxoko Udalak diruz lagundutako elkarteek
Getxoko Udalak 520.980 euro banatu ditu, urteko diru laguntzetan, udalerriko hainbat kirol, kultur eta gazte talderen artean. "Berritasun aipagarrienetakotzat" jo dute udal arduradunek, diru-laguntzen deialdi bateratua eta denboran aurreratua, izan dela aurtengoa. Kultura, Gazteria eta Euskara zinegotzi Koldo Iturbek adierazi duenez (mp3), “udal taldeak egindako esfortzua izan da hori udalerrian elkartegintza sustatzeko eta elkarteek administrazioarekin daukaten harremanak estutzeko. Horren harira, lehenengo aldiz, eskaerak egiteko izapide prozesua ere erraztu egin da. Horrela, apirilaren amaieran, elkarteek dirua jaso zuten eurek antolatutako ekimenak aurrera eraman ahal izateko”. Hala ere, besteak beste, Eusko Jaurlaritzak eta Bizkaiko Foru Aldundiak egiten dutenari jarraiki, aurkeztutako egitasmoaren aurrekontuaren %100 justifikatu beharko dute elkarteek eta ez soilik Udalak emandako diru kopurua. Diru laguntza guztiak ikusteko sakatu hemen (pdf). Argazkian, Koldo Iturbe zinegotzia.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun