Elkartasun jai batekin ospatuko du bosgarren urteurrena Axpeko La Roca jatetxeak

Bosgarren urteurrena ospatzeko asmoz, ostegun honetarako, maiatzak 7, elkartasun jaia antolatu du Axpe industrialdeko La Roca del Fraile jatetxeak. Kirola eta Garapena gobernuz kanpoko erakundearekin lortutako akordioari esker, 18:00etatik 21:00etara bitartean, kamisetak banatuko dituzte, bakoitzak nahi duena ordaindu ahal izango duela. Batutako dirua aipatu gobernuz kanpoko erakundeak beka emandako Peruko neskak laguntzeko erabiliko dute. Egitasmoarekin bat egindako Athleticen hainbat jokalarik ere parte hartuko dute festan, horien artean Carlos Gurpegi dagoela. Bestalde, burruntzia ere egingo dute eta, jaiari amaiera emateko, bildutako guztiek parte hartu ahal izango duten "oroitzapen ekimena" egingo du La Rocako "auzokoa" den artista ezagun batek, antolatzaileek aipatu dutenez. Argazkian, Latinoamerikan, kirola gizarteratze tresnatzat erabiltzen du, Kirola eta Garapena elkarteak.