Biharamunean, larunbatean, David Gordo akordeoi-jole gaztea ariko da Areetan. Bere saioan kontraste estetikoz jositako musika izango da protagonista, hainbat estilotako piezak joko ditu eta, horiek guztiak apenas orain dela 20 urte idatzitakoak. Horrela, bada, zaleek Sofia Gubaidulina, Cruz Lopez de Rego edo Zuriñe Fernandez Guerenabarrena musikagileen lanak entzun ahal izango dute, Diana Perez Custodioren "Cancion dormida" piezaren estreinaldia ahaztu barik.
Azkenik, jaialdia igandean, maiatzak 10, amaituko da Maria Jose Sanchez sopranoaren eta Sebastian Marine piano-jolearen eskutik. Gurera dator berriro ere bikotea eta, bere saioan, erromantizismo alemaniarreko bi musikagile handiri eskainitako egitaraua eskainiko du: Clara Schumann eta Fanny Mendelssohn, hain zuzen ere.
Elkartea
Emakumeak Musikan elkarteak errezitaldiak eta hitzaldiak eskaintzen ditu, historiako zenbait garaitako emakumeen musika ezagutzera emateko. Horrezaz gain, emakumez osatutako iraganeko eta gaurko musika ikertu eta katalogatzen ditu, besteak beste.
Aurten Maria Luisa konpositoreari omenaldia egingo zaio "Emakumeak musikan" jaialdian
2009ko mai. 7a, 20:00
Ostiral honetan, maiatzak 8, "Emakumeak musikan" 9. jaialdia abiatuko dute Areetan. Ekimen horrek emakume-musikagintza bultzatzea du helburu nagusi eta, igandera arte, hiru saio eskainiko ditu Andres Isasi Musika Eskolan. Kontzertuetan hainbat estilo eta garaitako piezak entzun ahal izango dira, horiek guztiak emakumek idatzitakoak. Aurten, Maria Luisa Ozaita piano-jole eta konpositoreari omenaldi egingo zaio jaialdian, bere 70. urtebetetzea dela eta. Ostiralean eta larunbatean saioak 20:00etan hasiko dira eta igandean, ordubete lehenago. Kontzertuetarako gonbidapenak doakoak dira eta Algortako kultur etxean, Villamonten, eta Andres Isasi Musika Eskolan jaso daitezke. Zikloak Emakumeak Musikan elkarteak eta Getxoko Kultur Etxeak antolatuta dago. Biharko saioan Arrate Monasteriok eta Omar Sanchezek osatutako Divertimenti piano bikotea ariko da eta hainbat garaitako piezak joko dituzte, lau eskutarako pianorako aurreneko lanetan hasita, eta Mel Bonis, Cecile Chaminade eta Maria Luisa Ozaita konpositoreen piano-bikoterako distira sinfonikoan bukatuz. Argazkian, Arrate Monasteriok eta Omar Sanchezek osatutako Divertimenti piano bikoteak zabalduko du jaialdia.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun