Atzo arratsaldean 150 bat lagun bildu zen Berangoko Lantzarte landan "zilegia" deritzotena aldarrikatzeko asmoz: etxebizitzak eraiki beharrean, aipatu gunea erabilera publikorako izan dadila, alegia. "Herritarrek harrera ona eman diote ekimenari eta informazioa zabaldu zein iritziak elkartrukatzeko aukera paregabea izan da", Lantzarteko Auzokide Elkarteak bere bitakoran azaldu duenez. Gauzak horrela, "burugabekeriatzat" jotzen dutena gelditzeko lanean jarraituko dutela ohartarazi diote Berangoko Udalari. Auzokideen elkarteak jakinarazitakoaren arabera, Hirigintza Antolamendurako Plan Orokorra (HAPO) hilabete honetako osoko bilkuran onartu nahi du behin-behinekoz tokiko Udalbatzak. Besteak beste, Koska irratiko Ukberri magazinean egin zioten elkarrizketa (mp3), atzo eguerdian, Lantzarteko Auzokide Elkarteko kide bati. Argazkian, atzoko elkarretaratzea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun