Hauek osatuko dute bere Gobernua: Rodolfo Ares (Herrizaingoa), Carlos Agirre (Ekonomia eta Ogasuna), Bernabe Unda (Industria eta Berrikuntza), Rafael Bengoa (Osasuna eta Kontsumoa), Blanca Urgell (Kultura), Iñaki Arriola (Etxebizitza, Herri Lan eta Garraioa), Isabel Celaa (Hezkuntza, Unibertsitateak eta Ikerketa), Pilar Unzalu (Ingurumena, Lurralde Antolamendu, Nekazaritza eta Arrantza), Gemma Zabaleta (Lan eta Gizarte Gaiak) eta Idoia Mendia (Herri Administrazioa eta Justizia eta Eusko Jaurlaritzaren bozeramailea). Horietatik Unda, Urgell, Bengoa eta Agirre dira PSE-EEkoak ez diren kideak.
Idoia Mendia
Zuzenbidean lizentziaduna, legebiltzarkidea da 2003tik. 43 urteko bilbotarra pisu handiko emakumea izango da Exekutibo berrian Administrazio Publikoetako arduraz gain, Gobernu berriko bozeramailea izango baita.
Hiru hizkuntza hitz egiten ditu eta laugarren bat ezagutzen du, Nazioarteko Harremanetan Masterra du eta hainbat urte bizi izan da atzerrian. Amsterdamen eta Bruselan Europako Harremanen inguruko graduondokoa egin zuen. Europar Batzordean lan egin zuen eta hizkuntzak hobetzeko aprobetxatu zuen atzerriko egonaldia. Euskara, gaztelaniaz eta ingelesa hitz egiten ditu eta frantsesa ere ezagutzen du.
Alfonso Gil PSE-EEko Exekutibako kidearekin ezkonduta, 12 eta 6 urteko bi mutilen ama da. Eusko Legebiltzarreko Industria eta Arrantza batzordeetan hartu du parte eta arrantzaleen kofradietara hurbiltzen lagun die euskal sozialistei.
Patxi Lopez lehendakari berriak gaur sinatu ditu Eusko Jaurlaritzako Sailetako buruen dekretuak, eta ez da ezustekorik izan. Aurreko egunetan hainbat hedabideei filtratu bezala, hamar izango dira Lakuako Gobernuko sailburuak -Juan Jose Ibarretxerekin baino bat gutxiago-, horietatik lau independenteak eta gainerako seiak PSE-EEko kideak, eta ez da lehendakariorderik egongo. Hainbat iturrik aurretik iragarri bezala, Idoia Mendiak ere badauka tokia Gasteizko exekutiboan: Herri Administrazioa eta Justizia sailburua eta Eusko Jaurlaritzaren bozeramailea izango da Barrikako PSE-EEren zinegotzia. Bihar, Patxi Lopez lehendakariarekin batera, lehen aldiz bilduko dira guztiak Ajuria Enean eta, ofizialki, sailburu izendatuko dituzte. Asteartean izango dute lehendabiziko gobernu kontseilu batzarra.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun