Almansak gogoratu duenez, laguntza linea horien iturburua 2005etik aurrera Espainiako Gobernuak komunitate autonomoei ematen dizkien funtsetan aurki daiteke. Funts horien helburua udalerriek etorkinen integrazioa hobetzeko ekintzak burutzea da, pertsona horiek elkarbizitza orekatua eta bizi baldintza duinak izan ditzaten.
PSE-EEren bozeramailearen ustez, egungo udal arduradun jelkideek "ez dituzte ideiarik ezta proiektu zehatzik ere etorkin atzerritarrak benetan integratzeko", eta hori agerian gelditu da jasotako diru laguntzaren ekimenak ez abiatzearekin batera.
"Egiaztatzen ari garenez, krisialdi ekonomikoaren garai hauek ez ditu kontuan hartzen Udal Gobernuak. Gainera, gure udalerrian pertsona hauen benetako integrazioa bultzatuko duten proiekturik ez dute", amaitu du Luis Almansak.
Inmigrazio laguntzak bueltatu izana aurpegiratu dio Udal Gobernuari Getxoko PSE-EEk
Inmigrazio arloan jasotako diru laguntza batzuk bueltatzeagatik "ez gauza" izatea leporatu dio bertako Udal Gobernuari Getxoko PSE-EEk. Luis Almansa (argazkian) Getxoko PSE-EEren bozeramaileak aipatu duen laguntza Eusko Jaurlaritzak eman zion iaz Getxoko Udalari eta 13.635 eurokoa zen. Diru horrekin, tokiko erakundeak enplegua, lan bitartekaritza eta enpresa ekintzaileen inguruko ekintzak egiteko asmoa zuen, horiek guztioriek ingrimazioari lotuta. Gaur Almansak emandako bertsioaren arabera, pasa den urtarrilaren 2an diru laguntzari uko egiten ziola adierazi zion Jaurlaritzari EAJren Udal Gobernuak. Gainera, Gobernu autonomikoak aurreratutako diru laguntzaren %75a bere osotasunean bueltatu zuen Getxoko Udalak. Eskumeneko erakundeak, Etxebizitza eta Gizarte Zerbitzuak Saila proiektua bertan behera uztea onartu zuen pasa den otsailaren 27an eta apirilaren 15ean horren berri eman zuen Euskal Herriko Aldizkari Ofizialean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun