Taldean doanak ez duela pixarik bakarrik egiten eta batasunak indarra dakarrela behin eta berriro errepikatzen digute boterearen bozeramaileek (bankuen zorrak guztion diruaz estaldu izana soilik horrela zuritu baitaiteke). Baina esaten digutena ez da egia. Izan ere, boterea eta ondasunak dituztenen eta bata zein bestea gabe bizirauten dutenen interesak ezberdinak izateaz gain, aurkakoak dira. Ugazabak ez dira lan-emaileak, esplotatzaileak baizik. Etekinak biltzea da euren helburua eta ez lana sortzea. Enpresariak langile klaseari gainbalioa ateratzeaz bizi dira. Horrek oparotasunean bizitzea bermatzen die, inolako aberastasunik sortu ez arren. Bitartean, langileak behin-behinekotasunean eta mendetasunean bizitzera kondenatuta daude.
Ekonomia gainbehera doala eta horrek kezkatu behar gaituela esaten digute, baina ekonomiaren txikitzea ez da, berez, arazo bat. Gastu militarrak eta burokratikoak, kontsumismoa eta azpiegitura handiak gutxitzea ez da txarra, kontrakoa baizik.
Ildo horretan, maiatzaren 21eko produkzioa etetera mugatuko den greba bat ez da nahikoa. Krisialdia krisialdi ekonomikotik haratago doa. "Krisialdia" gure bizitzak zeharkatzen dituen ezinegona da. Gizarte eredu kapitalistaren krisialdia da, azken finean. Horren guztiorren aurrean, komunikazio eta borroka esparruak martxan jartzeko, geure buruak antolatzeko eta elkar babesa berreskuratzeko kapazak izan behar dugu. Horregatik, greba gure bizitzak berreskuratzen saiatzeko abiapuntua izan behar da. Eta ildo horretan ez dago erdibidean gelditzerik.
"Desberdintasunez beteriko mundu batean, bat-etortzea ezin da jarraitzeko bidea izan. Borroka saihestezina da"
Itzubaltzetako Gazte Asanblada
Itzubaltzetako Gazte Asanblada: "maiatzak 21, greba orokorra"
2009ko mai. 14a, 13:42
"Bidegabekeria ez da anonimoa, izen zein helbidea dauzka" (Bertold Brecht). Maiatzaren 21ean ELA, LAB, ESK, EILAS, Hiru eta EHNE sindikatuek antolatutako greba orokorrarekin bat egitera deitzen du Itzubaltzetako Gazte Asanbladak. Ekimena laguntzen badugu ere, gure babesa kritikoa da. Kritikoa, beren oinarriak kontuan hartu gabe deitu dutelako greba sindikatuek eta, era berean, urrats hori emateko beraien sindikatu egiturak sendotzeko unerik egokienaren zain (kasu honetan, krisialdia) ibili direlako. Baina horrek ez du kentzen grebaren beharrezkotasuna, are gutxiago. Azken urtean, langabezi tasa ia bikoiztu egin da Hego Euskal Herrian (egun 161.000 bat langabetu daude, gehienak gazteak edota emakumeak). Enpresa gehienetan, lana erregulatzeko espedienteak (LEE) zabaltzen doaz, segurtasun ezaren giroa sortzen. Baina, gure arazorik okerrena ez da lana ez izatea. Izan ere, lana dugunean, aparteko orduak sartzen, enpresa etekinaren alde langileon artean lehiatzen, estresa eta antsietatea eragiten digun lan erritmora egokitzen... behartzen gaituzte. Argazkian, pasa den irailaren 30ean ospatu zuen IGAk gaztetxearen laugarren urteurrena.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun