Dena den, ez da lehenengo aldia Xirula-Mirula udalerrira datorrenik. 2007ko azaroan egon ziren eta hainbeste gozatu zuten orduan etxeko txikienek eta gurasoek zein 2008ko maiatzean bueltan ekarri zituztela eta berriz ere gustura gelditu ziren. Baina hoberena norberak ikustea denez, horra hor Egizu! elkarteak 2006ko saioaz sareratutako bi bideoak:
Lehenengo bideoa
Bigarren bideoa
Dena den, hori ez da azken boladan Sendi egitasmoak antolatutako gauza bakarra, datozen egun eta asteotan argazkilaritza digitalari buruzko tailerra, Mariolas ipuin kontalariaren saioa eta UKTEST elkartearen Txalaparta Jaialdian hainbat ekimen izango direlako.
Argibide gehiagorako, jaitsi Sendiren udaberriko egitaraua (pdf).
Areetako Eskoletako plaza edo, askok ezagutu bezala, Ipotxen plaza, euskal musikaz beteko da bihar, ostirala, arratsaldean. Izan ere, 17:30etik 18:30era, Bizkaiko Xirula-Mirula elkarteko kideek euskaraz gidatuta, euskal kantak, dantzak eta jolasak ikasi eta praktikan jartzeko aukera emango diete guraso eta seme-alabei. Egizu Getxo Euskaldun! elkarteak eta Getxoko Udal Euskara Zerbitzuak elkarlanean bultzatutako Sendi egitasmoak antolatu du biharko ekimena. Bertan parte hartzeko, gutxienez euskara ulertu egin behar da eta umeek lau eta zortzi urte bitartekoak izan behar dira. Txikiagoentzako begirale zerbitzua izango da, beti ere, aurretik abisatuz gero. Dena den, tokiak mugatuak dira, ume kopurua 75 gehienez jota izango dela. Beste aldetik, matrikula doakoa da eta telefono hauetan egin daiteke: 944 914 357 eta 685 732 963. Euria eginez gero, ekitaldia Itzubaltzeta / Romoko Romo ikastetxean egingo litzateke. Argazkian, gurasoak eta umeak dantzan iazko emanaldi batean / Egizu.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun