Nire nerabezaroa okupatu zuten liburu iraultzaileek, "Manifestu Komunista"-tik hasi eta "Los Euskalorros"-era arte, jendeak, bere egunerokoa ahaztu, eta guztion onerako helburu baten alde batuko den egunaz mintzo ziren. Iraultzaz. Eta eguaztenekoa Bastillako plaza zen, zuri-gorriz jantzita. Ebakuntzak atzeratu ziren, errepidean ez zegoen autorik, mundua gelditu zen. Bizkaitar gehiago zegoen Valentzian AEBetako soldaduak Afganistanen baino.
Utzi diezaiogun Bolivia, Kuba, Irlanda, Kosovo eta gainerako iraultzak aztertu eta euskal aplikagarritasuna bilatzeari. Asteon gertatu dena analizatu behar dugu, soziologia, antropologia, politika, psikologia... ikuspegi guztietatik.
Eguaztenekoa independentziaren alde egin izan bagenu. Gaur estatu ginateke.
Fredi Payak gaurko "Berria" egunkarian argitaratutako iritzi artikulua.
Barka biezadate Chek, Leninek, Farabundo Martik eta Santa Kruz apaizak, baina ez daukat beste berbarik asteon nire inguruan ikusi dudana adierazteko. Greba egunik ez egiteko, egoera ekonomikoaren gogorra eta urtetan pilatutako amaierarik gabeko hipotekak, sinesgarritasun osoz, aipatzen zituztenek, kreditu berria eskatu dute, lanetik hiru egun hartuta, Valentziara joateko. "Ogia eta zirkua" masa ikuskizun ororen atzean ikusten dutenek negar egin zuten Toqueroren golean. Poztasunez, bizitzan gutxitan egiten den moduan. Udalek aspaldi abisatu ziguten kulturan datorren aurrekontu murrizketaren inguruan. Baina janaria, baloiak, karpak eta pantaila erraldoiak oparitzeari ekin zioten eskuzabaltasun euforikoz. Fededunek masa borroka egin zuten, fedebakoak katedralean elkartu ziren, San Mamesen babespean. Eta GR-en marka sistema ezagutzen ez zuen lagun batek, umore puntua jarri zion istorioari: "hi, kiputzek be mendibideak Athleticken kolorez bete juezak!". Argazkian, Athleticen zaletu gazte talde bat lehoiak animatzen herenegun Algortako Telletxe plazan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun