Asteburuan jokatutako Igoera Fasean, Espainiako Ligako Lehenengo Mailarako bi txarteletatik bat eskuratu dute Leioa Waterpolo taldeko emakumeek. Aljecirasen (Andaluzia, Espainia), partida bakarra galdu zuten leioaztarrek: Madrilgo Cuatro Caminos taldearen kontra (6-12) jokatutako azkena. Azken horiek izango dira, Leioakoekin batera, Lehenengo Mailan izango direnak. Izan ere, ordurako, igoera erdietsita zeukan jada Leioa Waterpolok, lehenengo faseko hiru norgehiagokak irabazi eta Turia talde valentziarraren aurka nagusitu (6-12) ostean. Jon Lopez entrenatzaileak adierazi duenez, egindako "defentsa lan bikainaren" emaitza da erdietsitako igoera. Aljecirasen gol gutxien jasotako taldea izan da Leioa Waterpolo: Nuria Gutierrez txapelketako atezainik onena izendatu zuten. Argazkian, Leioa Waterpolo taldeko neskak Aljecirasen.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun