"¿Por que las bicicletas no tienen rabo?" antzeztuko du bihar EHUko antzerki taldeak
Asteazken honetan, maiatzak 20, Gabriel Celayaren "¿Por que las bicicletas no tienen rabo? (El relevo)" antzeztuko du EHUko antzerki taldeak, Leioa eta Erandioko campusean. Saioa 12:00etatik aurrera izango da areto nagusian. Antzezlan horrek Buero antzerki gazteari sariaren fase autonomikoa irabazi du, unibertsitateko iturriek zehaztu dutenez. Espainiako Kultura Ministerioak ematen du saria eta uztailean aukeratuko dira Estatu mailako irabazleak. Carlos Panerak zuzendutako lan horrek komedia eta gizarte kritika nahasten ditu, barrea eta hausnarketa bultzatuz. Antzerki taldeak baloreak eta publiko eta parte-hartzaileen kontzientzia kritikoa sustatzen saiatzen da. Emanaldia EHUko "Antzerki Hastapenak" kurtsoaren barruan dago. Kurtso hori Bizkaiko campusak eskaintzen dituen kultur tailerretako bat da. Oraingoan, antzerki taldeko hamar ikaslek parte hartuko dute antzezlanean. Argazkian, biharko saiorako kartela.
"¿Por qué las bicicletas no tienen rabo?" komedia ez da taularatu 80ko hamarkadatik. Parke batean garatzen da. Bertako burua ohitura onak, ordena eta legea defendatzen dituen estatua dotore bat da. Galduta dabilen pertsonaia batek, estatuaren emazte Eskolastikak; alaba Simonak eta berorren senargai Pericok, eta ikasle batek zalantzan jarriko dituzte estatuaren printzipioak eta egonkortasuna. Parkeko zaintzaileak lagunduko dio estatuari. Maskarada antzerki taldearen fundatzaile Carlos Panerak 90eko hamarkadatik zuzentzen du EHUko Antzerki Taldea. Euskal Herriko antzoki askotara eraman ditu taldearen lanak, baita Alemania, Austria, Girona eta Cadizeko jaialdietara ere. 2002 urtean Antzerki taldeak Ercilla saria jaso zuen egindako lanagatik.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun