Getxoko Udalak bihar, asteazkenean, hasiko ditu Algortako Errementeriena, Gazteluzarra, Basaldua, Abasota eta Artibai kaleak urbanizatzeko lanak. Espaloi-trazadura berri bat egingo dute, baita asfaltatu ere, mila metro luzerako kale-tarte bat irisgarriago bihurtzeko, zehaztu dutenez. Espaloiak zabalduko dituzte; parkera iristeko arrapala ezarriko dute; Errementeriena eta Gazteluzarra kaleetan koskak kenduko dituzte eta kaleen alboetan aparkatzeko lekuak seinaleztatuko dira. Lanen aurrekontua 1.064.254 eurokoa da. Bitartean, Itzubaltzeta / Romoko Santa Eugenia kaleko ur-horniduraren sarean balbula bat aldatzeko egin beharreko lanak direla eta, bihar ere, ur-etetea izango da, 10:00etatik 13:00etara, Ibaiondo kaleko 2 eta 5 zenbakietako atarietan eta Santa Eugenia kaleko 1, 3 eta 5 zenbakietan. Udalak barkamena eskatu du, lan horiek eragin ditzakeen eragozpenengatik. Argazkian, Luis Lopez Oses kalean ere hoditeria konpontzen ari dira.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun