Adolfo Careaga Fontecha, Bizkaiko politikari Espainiazale eta eskuindar historiko zenari azken agurra emateko elizkizunak egin zituzten atzo Negurin. Meza San Inazio elizan izan zen eta ondoren ehorzketa egin zuten Orozkoko hilerrian. Careaga larunbatean hil zen Beran, 88 urte zituela eta emaztea atzen utzita. 1921ean Bilbon jaioa, bere bizitzako zatirik handiena Getxo udalerrian eman zuen eta Zuzenbideko lizentziatura eskuratu zuen Deustun. 1977ko Espainiako hauteskundeetara aurkeztu zen, jesarlekurik lortu gabe. Bi urte beranduago saiatu zen berriz, UCDren zerrendetan, emaitza berarekin. Ondoren, Bilboko udal hauteskundeetara aurkeztu zen eta alkateordeetariko bat izatera igaro zen. Bertatik, legealdia amaitu gabe, Bilboko Portu Agintaritzara pasatu zen, Joaquin Garrigues ministro eta lagunari esker. 1981ean, Bizkaiko UCDren presidentea izendatu zuten eta alderdia disolbatu zenean Alderdi Liberalera (PL) mugitu zen, bertako Bizkaiko exekutiban sartuz . 1986an, Espainiako Kongresurako diputatua aukeratu zuten AP, PL eta UL osatzen zuten Koalizio Popularraren bitartez. Argazkia: Minuto Digital.
AP PP bihurtu ondoren, PL bertan disolbatzean alderdiaren erabakia onartu zuen, baina handik gutxira, liskar baten ostean, alderdia utzi eta talde mistora igaro zen. Legealdia amaituta Unidad Vizcaina alderdia sortu zuen baina ez zuen urrunera heldu. Urte batzuk beranduago, PPtik eskumara zegoen Partido Democratico Españolean (PADE) sartu eta zuzendaritzako kide bihurtu zen. Alderdia, baina, 2008ko maiatzean disolbatu zen. Handik aurrera hainbat kolaborazio egin zituen eskumako prentsarako, "El Correo Español" eta MinutoDigital nagusiki. Era berean, España y Libertad eskuin muturreko elkartean ohorezko presidentea izan zen.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun