Hain zuzen ere, Berangoko Udalak oraindik Hirigintza Antolamendurako Plangintza Orokorra (HAPO) ez duela onartu mahaigaineratu du Lantzarteko Auzokide Elkarteak, proiektua atzera bota dezatela eskatzeko. Bizilagunek azaldu dutenez, "kirol eta aisialdi" izendapena dauka egun orubeak. Beraz, ezin daiteke bertan etxebizitzarik eraiki. HAPOren aurrerapen txostenean, gainera, izendapen hori mantentzea aurreikusten da. Hala ere, Bizkailurrek argitara emandako kontratazio baldintzek zelai hori birkalifikatzea planteatzen duen udal antolaketa agiria daukate oinarri. Auzokideen hitzetan, "behin-behinekoz ere ez da onartu HAPO, orubeari izendapena aldatu ahal izateko. Beraz, lurzoruari eta hirigintzari buruzko 2/2006 legea zehaztutakoari jarraiki, ez dago justifikatuta erabilera aldaketa". "Existitzen ez den gauza bat kontuan hartuta zabaldu dute kontratazio fasea", salatu dutenez.
Hitzarmenik ez
Bestalde, kontratu horren beharra eta jatorria justifikatu ahal izateko, Berangoko Udalaren eta Bizkailurren arteko hitzarmenik ez dagoela dio Lantzarteko Auzokide Elkarteak: "proiektua enkantean atera baino lehen, ez zen inolako hitzarmenen berri eman Bizkaiko Aldizkari Ofizialean. 2/2006 Legeak ezinbestekotzat jotzen du berau kontsultatu eta alegazioak aurkezteko 20 eguneko epea zabaldu ahal izateko", azaldu dutenez. Hori dela eta, kontratazio prozesua etetea ere eskatu dute bizilagunek.
Azkenik, diru publikotik, egitasmorako 720.000 euro bideratzea "arriskugarritzat" jo dute auzokideek, "balitekeelako proiektuak inoiz ere argia ez ikustea, kontutan hartuta berangoztarren %15ek kontran sinatu dutela".
Como conclusión, denuncian un proceso que "atenta contra todo principio de legalidad, transparencia y participación" y, por este motivo, se concentrarán mañana frente al Ayuntamiento, a las siete de la tarde.
Bizkaiko Foru Aldundiaren eta Bizkailurren aurrean errekurtsoa aurkeztu du Lantzarteko Auzokide Elkarteak, Berangoko zelai horretan 80 etxebizitza eraikitzeko orain arte emandako pausuak "baliogabetzat" jo ditzatela eskatuz, Europa Press albiste agentziak atzo zabaldu zuenez. Foru erakundearen menpekoa den Bizkailur sozietate publikoak apirilaren 2an jarri zuen enkantean proiektua. Hala ere, auzokideek "azalean zein mamian irregulartasunak" salatu dituzte, "udal plangintza aldatzeko esleipen prozesuan, proiektuaren idazketan eta obren zuzendaritzaren onarpenean". Bitartean, gaur egingo dute, Berangon, Lantzarten ere eragina izango duen Hirigintza Antolamendurako Plangintza Orokorra (HAPO) onartzeko ezohiko udal batzarra. Espainiako Alderdien Legeari esker, EAJren Udal Gobernuak gehiengo osoa duenez, HAPO onartu egingo dute, azken orduko ezustekorik egon ezean. Plangintza hori salatzeko, ordea, Berango Eraikitzen izeneko herri plataforma sortu berri da udalerrian eta, gaur bertan, udaletxeraino eramango dute protesta, eta elkarretaratzea egingo dute arratsaldeko 19:00ean, HAPO onartzeko osoko bilkura abiatu baino hogei minutu lehenago. Argazkian, aurretik hainbatetan egin bezala, Lantzarteko Auzokide Elkarteak ere elkarretaratzea egingo du, 19:00etan, udaletxe aurrean, prozesua "legea, gardentasuna eta parte-hartzearen aurka" doala salatzeko / Lantzarteko Auzokide Elkartea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun