Aurten, 12.000 bat liburu salduko dira, udal liburutegiei emandakoak. Horiek guztiak banan-banan aztertzen dira, liburutegien bildumari zeintzuk gehitu dakizkiokeen erabakitzeko.
Udal liburu-bildumara pasatzen ez diren hainbat liburu interesgarriak gerta daitezke publikoarentzat eta, hori dela eta, udal liburutegiek saltzea erabaki zuten, getxoko lau udal liburutegietako garbiketan baztertutako aleekin batera. Horrela sortu zen Bigarren Eskuko Liburu Azoka 2006an. Aurreneko ekitaldian 9.000 bat liburu saldu ziren bertan eta onarpen zabala izan zuen ekimen horrek.
Bigarren Eskuko Liburu Azokaren IV. edizioa egingo dute asteburu honetan Algortako Telletxe plazan, Getxoko Udal Liburutegi Zerbitzuak antolatuta. Bertan, bihartik eta igandera arte, bisitariek hainbat gaitako liburuak erosteko aukera izango dute. Aurreko urteetan egin bezala, liburuen salmentaren bidez bilduko den dirua proiektu solidario batean erabiliko da. Aurten ATFAL-Getxo Pro Sahara GKEari emango zaio, Tindoufeko errefuxiatuen kanpamenduetan elbarrientzako hezkuntza proiektu bat garatzeko. Azokan salmentan jarriko diren liburu gehienak partikularrek liburutegiei emandakoak dira. Liburuek prezio sinbolikoak izango dituzte, (euro batean hasita) eta, ohi bezala, bildutako dirua lankidetza-proiektu solidario batean erabiliko da. Honako hau izango da azokaren ordutegia: 12:00etatik 14:00etara eta 17:00etatik 21:00etara. Igandean, goizez irekiko da soilik eta sarrera doakoa izango da. Argazkian, 2006an egin zen lehenengo azoka.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun