Gaur Erandion egindako kontzentrazioaren bidez, Udalak bere garabi zerbitzuan dauden lan baldintzekin duen ardura azpimarratu nahi izan dute langileek. Alabaina, udal arduradunak hurbildu ez eta udaltzainak gerturatu zaizkie "zarata gehiegi" sortzen ibili direla esan eta bertan jarraitu nahi izanez gero, danborra astintzeari uzteko eskatzeko.
Bestalde, Enpresa Batzordeak irmoki salatu ditu "langileen aurka egindako manipulazioak". Izan ere, hainbat komunikabidek maiatzaren 13an Barakaldoko TAOko hainbat makinetan izandako matxurak leporatu zizkieten.
Erandioko garabi zerbitzua kudeatzen duen Dornier SAko langileek protesta egin dute gaur goizean Erandion. Enpresak 2007tik gelditu duen lan hitzarmenaren negoziazioa berriz irekitzea aldarrikatu dute 78 beharginek, udaletxearen aurrean. CCOO, UGT eta ELAren delegatuek azaldu dutenez, Dornier SAren lan taldeko partaide gehienek Barakaldoko TAOn egiten dute lan eta, hortaz, Barakaldoko udal zerbitzuetan azpikontratatuta dauden beste enpresetako eta Dornier SAko beste zentroetako beharginekin lan baldintzak parekatzea eskatzen dute. Gauzak horrela, 35 orduko astea aldarrikatzen dute. Soldatari dagokionez, Araba, Bizkaia eta Gipuzkoa mailan arloan diren bataz besteko soldata eskatzen dute, orain baino %23 gehiago. Igoera hori zatika eskatzen dute, lau urteko epean. Dena den, langileen ustez, enpresak ez luke eskaera horiek bere gain hartzeko arazorik izan behar, kontuan hartuta Ferrovial taldeko enpresa dela eta "Ferrovial etekin ikaragarriak eskuratzen" ari dela.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun