Besteak beste, eta ñabardurak ñabardura, bat egin dute biharko deialdiarekin: Metro BIlbao, Alconza Berango SL, Leioako Udala eta Mecaner SAko langileak, Leioako Langabetuen Asanblada, ezker abertzalea, EA, Aralar, CNT, Gazte Abertzaleak, Gazte Independentistak, Ikasle Abertzaleak, Bizarra Lepoan Getxoko Euskara Elkartea, Bilgune Feminista, Itzubaltzetako Gazte Asanblada, Plentzia eta Gorlizko Gazte Asanblada, Algortako Gazte Asanblada, Sopelako Ander Deuna ikastola, Leioako Betiko ikastola, Anitzak ekimena, Getxo udalerriko EHE eta UKBERRI.NET.
Beste aldetik, blogariek salatu dute "Algortako Saneamientos Uribe Kosta enpresak ez duela greban parte hartuko eta bere langileak lanera joaten beharko dituela".
Gaur egungo krisialdi ekonomikoa langileek ordain ez dezaten ELA, LAB, ESK, EILAS, EHNE eta Hiru sindikatuek bihar deitutako greba orokorrarekin bat egin eta hainbat deialdi egin dute Uribe Kosta eta Erandioko hamaika langile talde eta eragilek. Besteak beste, hauek dira herrietako greba komiteek biharko goizean deitutako mobilizazioak: 8:30ean, Erandioko Altzaga auzoko metro plazan kalejira; 9:00etan, Algortako Telletxen eta Itzubaltzeta / Romoko Kolas plazan manifestazioak; 10:00etan, elkarretaratzea Sopelako udaletxe plazan; eta 12:00etan, lurralde manifestazioa Bilboko Plaza Eliptikoan. Arratsaldean, berriz, bi hitzordu baino ez ditzute jarri: 16:00etan auto karabana Erandioko polikiroldegitik; 16:30ean auto karabana Urdulizko Mecanica de La Peña enpresa zenaren parkingetik; eta 18:00etan, eskualdeko manifestazioa Leioako Boulevardetik. CNTk, bere aldetik, bi deialdi egin ditu, goizeko 12etan Barakaldoko Bide Onera plazan eta arratsaldeko 19:00etan Bilboko Arriaga plazan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun