Gehiengo sindikalak maiatzaren 21erako deitu duen greba orokorra jarraipen zabala izaten ari da Hego Euskal Herri osoan zehar. Industria-sektorean, esaterako, langileen gehiengoak bat egin du deialdiarekin. Ez da harritzekoa. Kontutan izan behar dugu krisia gogor astintzen ari dela industria-sektorea, eta bertako langileak direla patronalaren xantaia zuzenean gehien nozitzen ari direnak. Zerbitzu pribatuei dagokionez, grebaren eragina ere handia izaten ari da; merkataritza gune, arropa eta oinetako saltoki, hornidura-azoka, finantza-erakunde, bide-sarearen garbiketa eta catering-enpresetan izan du eragina deialdiak. Garraio-sektorean, Metroan, Tranbian edo Eusko Trenbideak-en gutxiengo zerbitzuak ari dira, besteak beste. Gutxiengo zerbitzuak ere protagonista izan dira hezkuntzan; grebaren jarraipena oso zabala izaten ari da sektore osoan. Argazkian, Erandioko hainbat denda itxita. Eskualdeko argazki gehiago ikusteko sakatu hemen.
Sektore publikoari dagokionez, udal administrazioaren gehiengo osoak greba babestu du. Administrazio orokorrari dagokionez, jarraipena nabarmena izan da, nahiz eta tokian-tokian eragina ezberdina izan den.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun