Lamiako Maskarada elkarteak azaldu duenez, hiru atal ditu ikuskizunak. Lehenengo biak arratsaldean izango dira, 17:30etik aurrera. Ordu horretan, Gaztelubide kaleko errotondatik kalejiran abiatuko dira Lamiakoko metro geltokiraino, Maiatza, erraldoiak, fanfarrea eta herriko dantza taldea; maskarada eta maiatzaren etorrera herrian zehar iragarriz. 18:00etan, berriz, Mari eta Sugaar bere senarra agertuko dira Lamiaren eskulturaren ondoan eta Udagorri dantzatuko dute bertan. Besteak beste, joan-etorria egingo dute Txopoetako garbitegiraino, bidean pertsonaia mitologikoekin dantzatuz eta gaueko akelarrerako gonbitea luzatuz. Hain zuzen ere, 22:30etik aurrera, suaren inguruan dantzatuko dute bildutako pertsonaia guztiek, Lamiakoko futbito zelaian. Akelarrean, jentil mitologiaren eta kristautasunaren arteko borroka islatzen duen antzezpena egingo dute; zeinean sua, musika eta biribilketak nagusi izango diren.
Lamiaren kondaira
Prudentzia alargunaren semea marinela zen. Urrunean itsasontziren bat ikusten zuenean, semea etorriko zen esperantzaz Ondizen zuen etxetik Abra ingurura jaisten zen. Halako batean, betiko legez, semea agertu ez eta tristuraz beteta etxerako bidean hil egin zen. Kondairak dioenez, Lamia bihurtu zen.
Jaien egitaraua:
Maiatzak 29, ostirala
Maskarada Eguna
16:30 Txupina eta jaien hasiera txosnan.
17:30 Maskaradaren lehengo zatiaren hasiera, Gaztelubideko errotondan.
18:00 Anima zaitez biribilketan!
18:30 Maskaradaren bigarren zatia txosnaren ondoan.
20:00 San Maximo Lamiakoko zaindariaren ohorezko meza.
20:00 Leioako Errekaldeko jubilatuen abesbatza, urterik urtera hobetzen.
21:00 Txosnan musika ona eta giro hobea, baita bokata egin berriak ere.
22:30 Maskaradaren hirugarren zatia: akelarrea, eliza ondoan, zoragarria!
00:00 Hakker taldearen erromeria.
02:00 Atsedenaldia eta probatxoa ausartenentzat.
02:30 Hakker-ekin dantzan jarraitu.
04:30 Etorri txosnara eztarria bustitzera, eta laster, dena biltzera.
Maiatzak 30, larunbata
Lamiako Eguna
10:00 Txupinarekin denok gora!
11:00 Umeentzako jolasak eta pailazoak, goiz osoan.
12:00 Denok poteatzera auzoan zehar, txosnan geldialdia eginez.
12:30 Goiza girotuko du Leioako Udal Musika Bandak.
13:00 Igel toka eta Lamiakoko I. Tiragoma Txapelketa.
13:30 Paella lehiaketaren hasiera.
15:00 Ekarri zure paella txosnara.
16:00 Hirugarren tute txapelketa txosna ondoan.
17:00 Taekwondo erakustaldia.
18:00 Eliza ondoko futbito zelaian, euskal dantza erakustaldia, Txikiak taldearen eskutik.
19:00 Gladiadoreak, txosnan.
19:30 Playback txapelketaren hasiera.
20:00 Zer, goseak jota? Ba, txosnara etorri eta txorizoa sagardotan dastatu.
21:30 Mozorro lehiaketa.
22:30 Oskar Vivoren transformismo ikuskizuna.
00:00 Orots taldearekin dantzaldia.
02:00 Zaku lasterketa barruko arropatan jantzita.
03:00 Dantzan jarraitu.
05:00 Happy hour, 2x1 txosnan.
Maiatzak 31, igandea
Athletic Eguna
10:00 Txupina, azken ahalegina!
11:30 Gaztelu puzgarriak, ludoteka eta bitsa jaia Langilerian, goiz osoan zehar.
12:00 Guztiok poteoan Lamiakoko tabernetatik, trikiarekin.
12:00 Athleticen eta Lamiako auzoaren historia omentzeko monolitoaren inaugurazioa.
12:15 Aurreskua.
12:30 Argazki erakusketa, Lamiako auzoko historiaren ehun urte baino gehiago, jendea, eta jaiotzen ikusi zuen taldea.
12:30 Athleticen orratz erakusketa.
12:45 Graffiti lehiaketa, aurten Athletici buruzkoa.
13:00 Herri kirolen erakustaldia, Iparralderen eskutik. Mahai-futbol erraldoia, goiz osoan.
14:15 Athletic jaio zen lekura arteko paseoa.
14:30 Herri bazkaria, txosna aurrean.
17:00 Athleticen azken liga partida. Zuzenean txosnako karpan.
18:00 Camp dantzaldia, Kabt taldearekin, 21:00ak arte.
19:30 Sari banaketa, eta erromeriak darraiela!
20:00 Txokolatada, Jai batzordeak eskainita.
21:00 Jaien bukaera.
Maskaradarekin hasi eta Athletic Egunarekin bukatuko dira aurtengo jaiak Lamiakon
Ostiral honetan, maiatzak 29, Lamiako auzoko kaleetan barrena ibiliko dira, Mari, Aker, Inguma eta beste hainbat pertsonai mitologiko; San Maximo jaiei hasiera emanez. 17:30etik aurrera eta gaua bitartean, magiaz beteko dituzte Leioako inguru horretako txoko guztiak. 1978tik hona, Euskal Herriko mitologiaren antzezpena egiten du ia urtero Lamiako Maskarada kultur elkarteak, urte bakar batean huts egin zuela. Alde batetik, jentil mitologiaren eta kristautasunaren arteko borroka uztartzen dute. Eta bestetik, auzoari berari izena ematen dion Lamiaren istorioa. Horrez gain, paella lehiaketa, haurrentzako jolasak, herri kirolak eta beste hainbat jarduera egongo dira asteburuan zehar. Izan ere, igandera arte luzatuko dira Lamiakoko jaiak. Azken egun horretan, gainera, lehendabiziko aldiz, Athleticen omenezko ekitaldiez bete dute egitaraua, futbol talde bilbotarraren jaiotza ikusi zuen Leioako auzoan. Besteak beste, Athleticek eta Lamiako auzoak konpartitzen duten historia omentzeko monolitoa inauguratuko dute. Argazkian, lamiak dantzan Lamiakoko Maskaradan. Iazko argazki gehiago ikusteko sakatu hemen.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun