Identifikatu ostean, adin nagusiko bi gizoni salaketa jarri die Getxoko Udaltzaingoak, udalerriko supermerkatuetan edari alkoholikoak erosi eta 18 urtetik beherako gazteei saldu zizkiotelakoan. Tokiko polizia iturrien arabera, bi kasuetan, aipatutako pertsonek aurretik adin gabekoekin edarien salmenta hitzartu zuten, dendek beraiek egiten duten kontrola gainditzeko, horiek normalean nortasun agiria eskatzen baitute adin gabea direla susmatzen dutenean. Ekintza hori, Algortan gazteen kontzentrazioak eta edari alkoholikoen kontsumoa kontrolatzeko Udaltzaingoa aurrera eramaten ari den jardueraren barruan kokatzen da. Bi gizon horiei Eusko Jaurlaritzako Drogamenpekotasunen Legea haustea leporatzen diete. Mota horretako delitu baten isuna 3.000 eurokoa izaten da. Argazkia: Industrial Lord & Mano .
Lehenengo atxiloketa, larunbatean (maiatzak 23), 18:45ean izan zen, udaltzain talde batek Algortako Telletxe kaleko supermerkatu baten aurrean gazte talde bat ikusi zuenean. Gazte horiek diruaren truke hainbat alkohol botila lortu zituzten, adin nagusiko pertsona baten eskutik, polizia iturrien arabera. Ondoren, 20:00ak aldera, antzeko gertaera ikusi zuen poliziak Altube kaleko supermerkatu baten kanpoaldean. Adingabeko beste talde batek dirua eta alkohola trukatu zuen beste adin nagusiko batekin. Udaltzaingoak, bi kasuetan, aipatutako merkantzia atzeman zuen. Horretaz gain, gazteen gurasoei abisatu eta aipatutako adin nagusiko bi pertsonen kontrako espediente administratiboa zabaldu zuen.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun