Algortako Elkartasun Eguna debekatzea eskatu du Dignidad y Justiciak

Erabiltzailearen aurpegia Ukberri 2009ko mai. 26a, 23:45
"Elkartasun Eguna" lelopean, Euskal Herriko hainbat txokoetan egingo diren ekitaldiak debekatzeko eskatu dio gaur Espainiako Auzitegi Nazionalari Dignidad y Justicia (DyJ) elkarte ultraeskuindarrak, "terrorismoari gorazarre egitea" delakoan. Ostiral honetan, maiatzak 29, Bilbon, "Joseba Artola Ibarretxe, Fernando de Luis Astarloa eta Inma Patxo Martin presoei omenaldia" egingo zaiela aipatu du DyJk. Hurrengo egunean, berriz, Hernanin, "ETAko presoen aldeko manifestazioa" izango dela salatu dute. Larunbat honetarako, Algortan deitutako Elkartasun Eguna ere epaileen jo-puntuan jarri du Dignidad y Justiciak. Ultraeskuindarrek aipatu dutenez, "berriki mehatxu terroristengatik kondenatutako Zigor Goikoetxea dago gorazarre egingo dieten ETAko presoen artean". Hala ere, Auzitegi Nazionalak ez du, oraindik, Azkorriko mutilari apirilaren 14an egindako epaiketaren gaineko ebazpenik kaleratu, UKBERRI.NETek baieztatutakoaren arabera, behintzat. Argazkian, Algortan egindako amnistiaren aldeko manifestazioa.
Dignidad y Justicia elkarte ultraeskuindarrak adierazi duenez, "kartelei begiratuta, Askatasunaren sinbologia egon badago ekitaldiotan. Hori dela eta, debekatzeko eskatu diogu Auzitegi Nazionalari". Lehen aipatu hiru deialdiak eta, ekainaren 6an, Arrasaten egingo omen duten bazkaria "ETAko presoekiko elkartasun ekitaldiak eta, beraz, ETAri gorazarre egitekoak" dira DyJren hitzetan. Horretaz gain, "Elkartasun Eguna" lelopean egin daitezkeen bestelako ekitaldien gaineko txosten polizialak eskatu ditu elkarte ultraeskuindarrak, "horiek galarazteko".
Politika Getxo
Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun