Gaur "Tortura orain" izenburuko hitzaldia eskainiko du Ane Ituño Torturaren Aurkako Taldeko (TAT) kideak Villamonteko kultur etxean. 19:30ean izango da hori. Toki eta ordu berean, "Itsasoaren alaba" dokumentala ikusteko aukera egongo da ostegunean, hilak 28. Filma ikusi ondoren foruma egingo da. Bertan izango dira Josu Martinez dokumentalaren zuzendaria, Haize Goikoetxea dokumentalaren protagonista, eta Txema Urkijo GITE-IPES elkarteko ordezkaria. Azkenik, maiatzaren 29an, hileko azken ostirala izanik, elkarretaratzea izango da, 20:00etan, Telletxe plazan. Bertan, Getxoko Udalean aurkeztuko den dokumentuari atxikimendua eman ahalko zaio.
AAMren oharra:
Bertan behera gelditu dira larunbatean Algortan egiteko ziren Elkartasun Eguneko ekitaldiak
Bertan behera gelditu dira larunbatean Algortan egiteko ziren Elkartasun Eguneko ekitaldiak, Getxoko udalak, hilabete aurretik eskatutako baimenak ukatu egin dituelako.
Dginidad y Justicia elkarte eskuindarrak ekitaldiak debekatzeko salaketa jarrita zeukan Espainiako Auzitegi Nazionalean, baina kasu honetan ez da beharrezkoa izan, lan hori Getxoko udalak bete duelako, gezurrezko aitzakiak erabiliz azken unean ukatu ere.
Dena dela, elkartasunaren aldarriari eusten zaio, eta beste modu eta egunetan gauzatuko dira elkartasun-ekitaldiak Algortan.
22 preso politiko Getxon. Elkartasuna!
Algortako Elkartasun Eguna bertan behera utzi dute Udalak baimenak ukatu ondoren
2009ko mai. 27a, 14:35
Larunbatean Algortan egitekoa zen Elkartasun Eguna bertan behera gelditu dela iragarri du gaur bertako Amnistiaren Aldeko Mugimenduak. Etengabe bitakoran azpimarratu dutenez, Dignidad y Justicia elkarte ultraeskuindarrak atzo Espainiako Auzitegia Nazionalari ekitaldia debeka dezan eskatu bazion ere, "kasu honetan ez da beharrezkoa izan, lan hori Getxoko Udalak bete duelako, gezurrezko aitzakiak erabiliz azken unean ukatu ere". Izan ere, AAMk salatu duenez, "hilabete aurretik eskatutako baimenak ukatu egin ditu" EAJk gobernatzen duen Udalak. Dena den, iragarri dutenez, EPPKren 22 preso getxoztarrekiko elkartasun aldarriari "eutsiko" diote eta "beste modu eta egunetan gauzatuko dira elkartasun-ekitaldiak Algortan". Bitartean, eta kontrakoa adierazi ezean, gaur, bihar eta etziko ekitaldiak mantentzen ei dira. Argazkian, Etxeratek antolatuta, apirilaren 15ean heldu zen Uribe Kostara Dispertsioaren Aurkako Bira.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun