Zerbitzuaren gabezia, tokiko arduradunek "berezitasun" bezala aipatzen dutena, da pertsonak ezin duela ordu bete baino gehiago bizikleta erabili mailegu bakoitzean, eta bereziki ezarritako gunetan utzi behar duela beste pertsona batek hartu ahal izateko. Halere, nahi beste aldiz har dezake bizikleta –hori bai, aurrekoa utzi duenetik 15 minutu pasa eta gero-. Keltse Eigurenek herritarrak zoriondu nahi izan ditu erakutsitako gizalegezko jokaeragatik eta zerbitzu berriarekiko izandako errespetuagatik.
Datuak
Orain lau mailegu-gune martxan daude udalerrian: Areetako Xake plazan, Fadura kiroldegian, Bizkaiko Zubian eta Ereagako hondartzan. Guztira, 32 bizikleta daude eskuragarri. Gune bakoitzean berehala erabiltzeko bizikletak daude baita bertan, behin erabili eta gero, uzteko lekua ere (hortxe edo beste edozein mailegu-gunean hartutakoa bada ere). Gainontzeko mailegu-gune guztiak, guztira 12 izan arte, apurka-apurka jarriko dira martxan. Urteko egun guztietan erabili ahal izango dira, 07:30etik 21:00ak arte. Zerbitzua erabiltzeko prezioa da urteko 10 eurokoa (Getxo udalerrian erroldatuta daudenentzat) eta 20 eurokoa kanpotarrentzat. Bizikleta aldian aldian erabiltzeko prezioa, berriz, 2 eurokoa izango da.
Interesatuek, ekainaren 5era arte argibide gehiago lortu ahal izango dute, astelehenetik ostiralera, 08:00etatik 14:00ak arte Algortako Juan Bautista Zabala kalean eta Itzubaltzeta / Romoko Aurrezki Kutxa kalean dauden Herritarren Arretarako bulegoetan. Halaber, eta epe mugagabean, Itzubaltzeta / Romoko Gobelaurre kalean Emausek duen dendara bertara jo dezakete. Informazio gehiago bihar ostiraletik, maiatzaren 29tik aurrera, www.biziprest.com/getxobizi web gunean. Edozein galdera edo iradokizun argitzeko doako zenbaki telefonoa ere badagoela gogoratu dute zerbitzuko arduradunek: 900 840 345.
Getxo Bizik 700 bat bizikleta mailegatu ditu bi astetan
2009ko mai. 28a, 17:55
Getxo udalerrian bizikleta mailegu atomatizatua eskaintzen duen Getxo Bizi ekimenak "oso harrera ona" izan du bere lehenengo bi aste t'erditan. Horrela adierazi du Keltse Eiguren Ingurumen arloko zinegotziak. Bertoko herritarren artean izandako harrera ere "oso ontzat" jo dute, 545 izen-emate eta 669 mailegu izan direla hilaren 11tik hona. Ekimena martxan egon den denboran bi egun aipagarriak direlakoan daude Ingurumen arloan. Alde batetik, maiatzaren 15, ostirala (zerbitzua gehien erabili zuten eguna) eta astebete beranduago, 22, ostirala ere (zerbitzuak mailegu gehien izan zuen eguna). Keltse Eigurenen arabera, datu bereziki onak dira Bizkaian dagoen mailegu automatizatuko lehenbiziko zerbitzua dela kontuan hartzen bada. “Automatizatua izateak zerbitzuaren erabilgarritasun handiagoa suposatzen du baina baita erabiltzailearen inplikazio handiagoa, bera baita bizikleta hartzeko teknologia erabili behar duena eta ezarritako guneetan utzi behar duena”. Argazkian, getxoztar bat Getxo Biziko bizikleta batez osteratxoa egiten.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun