Bestalde, Urteroko ohiturak agintzen duenez, jaialdi asturiarra larunbatean izango da eta Asturiasetik etorritako autobusei ongi etorria emanez abiatuko da Zubieta eta Ganeta kaleen bidegurutzean goizeko 12:00etan. Ordu bat beranduago, alboka-txikiteoa abiatuko da Itzubaltzeta gaztetxetik, Euskal Herriko sagardoa ez dela faltako. 15:00ean hasiko den herri bazkarirako txartelak gaztetxean bertan hartu ahal izango dira 5 euroren truke. 18:00etan, Villaviciosako gaiteroen kalejira egingo dute Itzubaltzeta / Romon zehar gaztetxeraino. Bertan, Asturiaseko sagardo dastaketa izango da, kontzertuetarako beroketa gisa. Kontzertua 21:00etan hasiko da, asturieraz abesten duten Misiva eta Vinagre de Sidra taldeekin. Sarrerak 4 euro balio du.
5. Folixa Asturianaren kartela
Bost urte beteko ditu larunbatean Itzubaltzetako Folixa Asturianak
Larunbat honetan, maiatzak 30, bost urte beteko ditu Itzubaltzeta / Romoko Itzubaltzeta gaztetxeak antolatzen duen Folixa Asturianak edo jai asturiarrak. Ikuspegi internazionalista batetik eta elkar ezagutza helburu, 2005ean martxan jarritako festibala urtero hartu du Itzubaltzeta / Romo herriak, Asturiaseko hizkuntza, musika, gastronomia eta kultura oro har ezagutzeko prest. Era berean, bertatik etorritako lagunei Euskal Herriko ohiturak, hizkuntza eta kultura erakutsi zaizkie ere, nahiz eta izenak dioen legez, eguneko protagonista Asturias izan. Aurten, gainera, larunbatean egun osoko festibala ospatzeaz gain, gaur, ostirala, Asturiaseko panorama sozio-politikoa eta kultura ezagutzeko aukera izango da "Que se mueve n'Asturies?" hitzaldi eta mahai-inguruaren bitartez. Ekimena 19:30ean izango da Itzubaltzeta gaztetxean. Iazko argazki batzuk hemen daude ikusgai.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun