Gaztea topatutako toki hartan ertzainek egiaztatu ei zutenez, mutila manipulatzen zebilen poltsa hura ostutakoa zen eta, bertan, lekukoek deskribatutakoekin bat egiten zuten arropak zeuden. Ertzaintza ihes egindako gizonezkoa bilatzen hasi zen, eta atzo goizean atxilotu zuen.
Atxilotua (polizia aurrekariak ditu) polizia egoitza batera eraman zuten, dagozkion eginbideak burutzeko eta, ondoren, epailearen esku jartzeko. Gainera, lapurreta egin ei zuen egun berberan, Martuteneko espetxetik irten berria zen; izan ere, hilaren 22an egindako antzeko lapurreta batengatik zigorra betetzen ari zen. Gizonezkoa azken bi hilabeteotan Sopelan eta Getxon egindako beste sei lapurretatan nahasita dagoen ikertzen ari da orain EAEko Polizia.
Mutil bat atxilotu dute Sopelan indarkeriaz lapurreta egin duelakoan
2009ko mai. 29a, 17:12
Ertzaintzak 21 urteko mutil gazte bat atxilotu zuen atzo Sopelan, indarkeriaz egindako lapurretaren delitu bat egotzita. Herrizaingo Sailak zabaldutako bertsioaren arabera, ustezko lapurrak emakumezko bati poltsa ostu zion tirakada eginez, asteazken gauean. Gertaera Sopelako Etxebarri kalean jazo zen 23:50ak aldera. Biktimak zauri bat izan zuen atzamar batean eta, horrez gain, hainbat ubeldura jasan zituen, lapurrak lurrera bota baitzuen. Ertzaintza bertaratu zenean, biktimak eta zenbait lekukok ustezko lapurraren ezaugarrien deskribapena egin zuten eta poliziek Sopelako 21 urteko gizon batez susmatu zuen. Polizia patruila bat gaztearen bila hasi zen eta gaua eman ohi zuen etxe batean aurkitu zuen. Hura identifikatzera zihoazenean, ertzainak gaztea zorro bat manipulatzen ari zela ohartu ziren. Polizia ikusterakoan, susmagarriak ihes egitea lortu zuen. Halere, Sopelan atzeman eta atxilotu zuten atzo.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun