Hain zuzen ere, INEFeko bost jokalari eta Getxoko lau Suedian egon ziren joan den astean, Inesen aginduetara, Europako Txapelketan. Espainiak ez zuen lortu datorren urtean Ingalaterrako Munduko Txapelketara igarotzea. Europako Txapelketa hori garesti irten zaio Getxori, Eva Rincon lehen lerroak lesioa izan duelako eta horrenbestez baja hartu duelako. Muskulu biki batean zuntz etendura dauka. Aragoiko hiriburura joango da, baina seguruenik ez du jokatuko. Beste konpromiso eta lesio batzuen ondorioz, Nerea Martinezen taldeak 18 jokalari baino ez ditu eramango. Halere, gogoan izan behar da iaz INEFi irabazi ziotenean ez zutela aldaketarik egin.
Denboraldi luzea
Denboraldia luzea izaten ari da, batez ere jokalaririk onenentzat. Azken hiru hilabeteetan hainbat kanporaketa jokatu behar izan dituzte: Espainiako Erreginaren Kopa, autonomikoa, Dubaiko Seven edo aipatutako Europako txapelketa. Taldea partida asko jokatu ondoren iritsi da igandeko hitzordura, baita INEF ere. Nerea Martinezek argi dauka. Kataluniarrei ez zaie jokatzen utzi behar. Dauzkaten aukera guztiak aprobetxatu behar dituzte, eta berriro ere sorpresa handia eman. Halere badakite denboraldia "arrakasta itzela" izan dela.
Iaz irabazitako Erreginaren Kopa berriro lortzen saiatuko dira igandean Getxo Rugbyko neskak
2009ko mai. 29a, 21:39
Maiatzaren 10an urte bat bete zen Getxo Artea Rugby Taldeko emakumezkoek Espainiako Erreginaren bigarren kopa lortu zuenetik. Igande honetan, maiatzak 31, INEF Barcelona talde kataluniarren kontra jokatuko dute finala berriro horibeltzek, Zaragozako Pinares de Venecia zelaian. Hitzordua eguerdiko 12etan jarri dute, nahiz eta Espainiako Rugby Federazioari aldaketa eskatu zioten, ordu erdi beranduago jokatzeko. Azkenean federazioak ez du eskaera onartu. INEF izango da berriro ere faboritoa. Azken urteetako koparik gehienak bereganatu ditu talde horrek; iazkoan izan ezik, horibeltzek kataluniarren garaipen kate luzea hautsi baitzuten. Getxoko neskentzat erronka berria izango da, baina egin beharrekoak eginda daude jada. Halere, ez dute baztertzen aurreko urteko sorpresa errepikatzea: jokalarien taktika ezin hobea izan zen partida batean 7-3 irabazi zuten, gaur egun Espainiako selekzioaren entrenatzailea den Ines Etxegibelek entrenatzen zituen kataluniarrak itoz. Argazkian, iazko finala.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun