Asteartean, ekainak 2, "Decrecimiento y simplicidad voluntaria" dokumentala eskainiko du Ezker Antikapitalistaren aldeko Uribe Kostako sostengu taldeak Algortako Villamonte kultur etxean. Emanaldia 19:30ean abiatuko dute eta bukatzean hitzaldia izango da. Egun berean, baina 19:00etan hasita, kaleratzeen aurkako ekitaldi publikoa egingo du POSIk Lamiakoko herri ikastetxean.
Iniziatiba Internazionalista
Bestalde, Iniziatiba Internazionalistak larunbateko Iruñeko mitinaz gain, bi ekitaldi baieztatu ditu. Alde batetik, eskualdeko ekitaldi politikoa egingo dute asteartean, ekainak 2, 19:30ean, Algortako Telletxe plazan. Hala ere, ordu eta erdi lehenago hasiko da bideo proiekzioa eta propaganda banaketa. Beste aldetik, hiru egun beranduago, ostiralarekin, beste ekitaldi politiko bat egingo dute Itzubaltzeta / Romoko Santa Eugenia plazan, 20:00etan.
EAJ, internazionalistak eta antikapitalistak eskualdean izango dira egunotan
2009ko mai. 29a, 22:00
Europako Legebiltzarrerako hauteskundeen kanpaina oharkabean pasatzen ari bada ere, egunotan hautagaiak eta kandidaturen zaleak plazaratzen ari dira eskualdean. Besteak beste, Sabin Intxaurraga Eusko Alkartasunaren eta beraz Independentistak eta Ezkertiarrak koalizioaren kidea izan zen atzo Algortako alkartetxean. Bihar, larunbata, berriz, EAJren eta Europarako Koalizioaren hautagaia den Izaskun BIlbaok jardungo du Areetako Eskoletako plazan. Hitzordua, 19:00etan izango da, eta Bilbaorekin batera Iñigo Urkullu Euzkadi Buru Batzarraren presidentea mintzatuko da. Hurrengo hizketaldia, handik gertu, Algortako Kirol Portuan egingo du Bilbaok. Izan ere, astelehenean, 17:00etan, Ramon Tremosa CDCren kidearekin izango da jelkidea. Baina hurrengo egunetan, ezkerreko Iniziatiba Internazionalista, POSI eta Ezker Antikapitalista hautagaitzek ere hainbat ekitaldi egingo dituzte eskualdean zehar. Argazkian, karteletan eta postontzian baino ez da nabaritzen hauteskunde garaian gaudenik.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun