Ikasleen gurasoen elkarteekin prebentzio hitzarmenak berritu ditu Getxoko Udalak
2009ko mai. 29a, 22:21
Getxoko Udalak hiru lankidetza hitzarmen berritu ditu udalerriko ikasleren gurasoen elkarteen federaziorekin. Aurten prebentzio mailako heziketa programak aurrera eramateko, 13.567 euroko zenbatekoa bideratuko du Udalak. Hain zuzen ere, udalerriko Lehen Hezkuntzako ikastetxe publikoetako ikasleen Gurasoen Elkarteen Federazioak, FAPAGek, 3.477 euro jasoko ditu; ikastetxe publikoetako Bigarren Hezkuntzako Federazioari, Elkargarriri, 6.844 euro emango dizkiote eta ikastetxe pribatuetako federazioari, El Pupitre izenekoari 3.246 euro. Hitzarmenen helburua Gurasoen Eskolak eskainiko dituen ikastaroen bidez heziketa programa sustatzea eta garatzea da, besteak beste, honako gai hauei buruz: drogamenpekotasuna prebenitzea, eskolan porrot egitea galaraztea, familiarekin komunikazioa, osasunerako heziketa, nerabeak eta IHESa. Argazkian, haxixa da nerabeek gehien kontsumitzen duten droga ilegala.Gurasoekin egiten den lana Osasunareko Hezkuntzaren barruan eramaten da aurrera, hezkuntza, ahalmenak eta esperientziak eskaintzeko, beren seme-alabekin gai desberdinak (hezkuntza, familia eta gizarte mailakoak) landu ahal izateko.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun