Ordaintzeko bidea erreza ei da, Miñambresek azaldutakoaren arabera: lehenik, www.getxo.net-en webgunearen goikoaldean eta eskuinean dagoen Nire ordainketa botoia sakatu behar da. Gero, gune horretan ebhar dugun informazioa eskuratu edota inprimatu eta hortik Euskadiko Administrazioen ordainketa-pasabidera sar daiteke. Euskadi.net-en, ordainagirian edo isunean agertzen diren datuekin bete beharko da formularioa eta “onartu” botoia sakatu. Sartutako datuak zuzenak diren baliozkotu egin behar da eta “ordainketa egin” botoia sakatu. Azkenik, ordainketa egin nahi den banketxea edo aurrezki kutxa aukeratu beharko da eta “onartu” botoia sakatu.
Behin operazioa amaituta, banketxeak ordainketaren egiaztagiria igorriko du eta horrek baliotasun osoa izango du Udalarentzat.
Dena den, trafikoko isunen edo zergen ordaintzea Udaletxeko Diru-bilketako bulegoetan (Foru kalea 1) egin daiteke herritarren arretarako ordutegiaren barruan, baita banketxetan edo Diru-bilketara zuzendutako posta bidezko igorpenaren bitartez ere.
Trafiko isunak eta zergak Internetez ordaindu ahal izango dituzte getxoztarrek
2009ko eka. 1a, 22:15
Getxoko Udalak tokiko zergak eta trafikoko isunak Internetez bidez ordaintzeko aukera hurbildu die herritarrei. Izan ere, www.getxo.net udal webguneak zergadunei zergak ordaintzeko baliagarri izango zaien Euskal Administrazioen ordainketen pasabidearekiko esteka eskaini berri du. Sistema hori eroso eta segurua da, Kepa Miñambres Informazio Sistemen Arloko zinegotziaren arabera. Gainera, on-line ordaintzeko modu hori “egunero 24 orduz erabili ahal da, eta, hortaz, herritarrei beharrezkoak ez diren joan-etorriak zein jende ilaretan une batzuetan egon beharra saihesten die”. Halere, ordaintze modu telematikoa erabiltzeko hainbat urrats egin behar da aurretik. Lehenik, Eusko Jaurlaritzak eratutako Administrazioen Ordainketa-Pasabidera atxikitutako BBK, Euskadiko Kutxa, La Caixa edo Caja Madrid aurrezki kutxetako edozein ordaintze-txartela eduki behar da eta isunaren jakinarazpen orria edo Udalak bidalitako zergaren ordainagiria eskura izan beharko da. Argazkia: Ninette Luz.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun