Anbulantzia batek Gurutzetako ospitalera eraman zuen emakumea, bertan zauriak sendotzeko eta bitartean udaltzainek A.K.S. izeneko gizona atxilotu zuten, etxean indarkeria delitu bat egitearen akusaziopean. Getxoko Guardiako Epaitegiaren esku utzi dute.
Bestaldetik, eta eraso berri horren aurrean, Getxoko Udalaren Berdintasunerako Arloak emakumeen aurkako indarkeria erasoak gaitzetsi eta arbuiatu ditu, "giza eskubideen bortxaketa larria baita, emakumeek oinarrizko askatasunez disfrutatzea galarazten duena". Halaber, gizartearen izurri horren kontra lan egiteko konpromisoa berretsi du, bere "eskumenen arloaren barruan eta indarrean dagoen legediari jarraituz, berdintasunaren aldeko eta emakumeenganako indarkeriaren kontrako udal politika aktiboa, osoa eta koordinatua aurrera eramateko".
Azkenik arrisku egoera bizi diren emakumeei hainbat gogorapen egin die Getxoko Udalak. Alde batetik, Udaleko Gizarte Zerbitzuetara jo dezaketela (944 660 101), han aholkularitza juridikoko zerbitzua eta arreta psikologikoa lortuko baitituzte. Beste aldetik, Eusko Jaurlaritzako Telefono Arreta Zerbitzura (900 840 111), Udaltzaingora (944 660 202), Ertzaintzara (944 063 420) edo SOS Deiak larrialdietako zerbitzura, 112 zenbakira ere, dei dezaketela.
Getxoko Udaltzaingoak A.K.S. 45 urteko gizonezkoa atxilotu zuen atzo, astelehenean, Algortan bere bikotekidea jo zuelakoan eta, beraz, genero indarkeriaren delitua egin izana leporatuta. Poliziak jakitera eman duenez, atzo goizeko lehen orduan udaltzainek gizonezko bat ikusi zuten etxe bateko atalondoan txirrina behin eta berriz jotzen, inork ez ziolako erantzuten. Udaltzainek aipatu pertsona ezagutu egin zuten, aurretik, goizaldean Algortako Telletxe plazan mozkorrik eta lurrean etzanda zegoela identifikatu baitzuten. Haserretu egin zirelako bere neskalagunarekin berba egin nahi zuela esan zien gizonak poliziei. Etxera sartutakoan, gizonaren bikotekideak, 28 urteko emakume gaztea, gizonak jipoitu izana salatu egin zuen. Udaltzaingoaren aburuz, emakumeak kolpeak zituen begi batean, besoetan eta bizkarrean. Izan ere, lau aldiz kolpatu ziola aitortu zuen gazteak. Ondoren, gizona auzibidetara eramateko urratsen berri izan eta gero, salaketa ipini nahi zuela adierazi zuen. Bera eta gizona etxe horretako gela batean bizi ziren errentan. Argazkian, pasa den maiatzaren 11n Bilgune Feministak Algortan egindako elkarretaratzea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun