Udaleku irekietan izena emateko epe berezia bihar, ostegunarekin, izango da, goizeko 10etatik 13:30era arte eta 16:30etik 18:30era arte. Ohi legez, izen ematea ezin izango da telefonoz, ez postaz ez faxez egin; diru sarreraren ziurtagiriarekin (E.K. 3035 0108 06 1081032766) eta Osakidetzako txartelaren fotokopiarekin batera bulegora etorri eta bertan izen emate orria bete beharko da, azken hori hemendik jaitsi daitekeela. Beti bezala prezio ezberdin bi egongo dira, bat bazkideentzako eta beste bat bazkide ez direnentzako:
Bigarren (uztailaren 1etik 15era) eta hirugarren txanda (uztailaren 16tik 30era): 95€ bazkideentzako / 125€ bazkide ez direnentzako.
Honakoak dira oraingoz libre dauden tokiak:
- San Martin eskola (5 eta 7 urte bitarteko umeentzat):
· Uztailaren 1etik 15era: 3 leku ume euskaldunentzat eta 2 erdaldunentzat.
· Uztailaren 16tik 30era: 3 leku ume euskaldunentzat eta 2 erdaldunentzat.
- Zabala eskola (8 eta 12 urte bitartekoentzat):
· Uztailaren 1etik 15era: 8 leku gaztetxo euskaldunentzat.
· Uztailaren 16tik 30era: 10 leku gaztetxo euskaldunentzat.
- Zubileta eskola (5 eta 12 urte bitartekoentzat):
· Uztailaren 1etik 15era: 16 leku gaztetxo euskaldunentzat.
· Uztailaren 16tik 30era: 10 leku gaztetxo euskaldunentzat.
- Romo eskola (5 eta 12 urte bitartekoentzat):
· Uztailaren 1etik 15era: 2 leku gaztetxo euskaldunentzat eta 2 erdaldunentzat.
· Uztailaren 16tik 30era: 20 leku gaztetxo euskaldunentzat.
Bapirukeren udalekuetarako izen-emate berezia egingo dute bihar
2009ko eka. 3a, 15:04
Bapiruke aisialdi programa euskaldunak 5 eta 12 urte bitarteko 337 ume eta gaztetxori jolasez, kirolez eta euskaraz beteriko uda pasatzeko aukera emango die. Alabaina, Bizarra Lepoan Getxo udalerriko euskara elkarteak kudeatutako udaleku irekietan oraindik oraindik beste 93 haur eta neraberentzako tokia dago. Hori dela eta, ohiko izen-emate egunak bukatuta, bihar, ostegunarekin, matrikulazio berezia egingo dute. Aipatu leku libreak zortzi udalekutan daude, eta hortaz aukera dago uztaila osoan zehar San Martin, Zabala, Zubileta edota Romo eskoletako jardueretan parte hartzeko. Dena den, matrikulazio epe berezia izan arren, zerbitzuak, prezioak eta baldintzak ohikoak dira. Adibidez, udalekuetan umeek arazorik gabe goza dezatela ziurtatzeko, haurrek "euskaraz ondo egiteko" kapazak izan behar direla gogoratu du euskara elkarteak. Dena dela, azken urteko ildoari jarraikiz, euskarara hurbiltzeko, lagun euskaldunak egiteko eta integrazio bidetik hasteko aukera emango zaie "euskaraz komunikatu ezin diren" 4 umeri.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun