Sari banaketak egitarau potoloa izango du. Ekitaldiari hasiera emateko, Leioako Udal Musika Eskolako piano-jole eta soprano batek eskainiko dute emanaldia. Ostean, bideo bat proiektatuko dute, udalerrian egindako berdintasun arloko hainbat ekintza laburbilduz. Amaitzerakoan, saria emango zaio irabazteari eta Leioan lanean diren emakume elkarteei ere omenaldia eskainiko zaie. Azken ekintza bezala, umorezko emanaldi sorpresa eskainiko da. Horretaz gain, luncha izango dute gonbidatuek. Horien artean izango dira, besteak beste, hirugarren sektoreko agenteak, berdintasun arlokoak, garapenerako lankidetzakoak, nagusien etxeetako ordezkariak, kirol taldeak, emakume taldeak, EHUko ordezkariak, hezkuntza arlokoak, Udal Musika Eskolakoak...
Erantzun ona
Epaimahaia zazpi pertsonez osatuta egon da: Kultura eta Gizarte Ekintzako zinegotziak, pintura eta eskulanetan aditua, diseinu grafikoan aditua, Berdintasun aholkularia, Udal Berdintasun saileko teknikaria, eta Andrak emakumeen elkarteko kide bat. Erabakia aho batez hartu zen eta, epaimahaikide guztiek adierazi bezala, oso erantzun ona jaso izan du lehiaketak; 89 lan aurkeztu dituztelako 43 pertsonek. Lan horien jatorria ere anitza da, gehienak leioaztar eta getxoztarrak izateaz kanpo, Gipuzkoatik edota Toledotik ere jaso izan baitira lanak.
Berdintasun Sailaren logotipoa aukeratzeko lehiaketak izandako arrakasta azpimarratu du Leioako Udalak. Guztira, 89 lan aurkeztu dituzte 43 lagunek, baina horietariko bakarra izango da irabazlea. Horren izena bihar emango da jakitera Kultur Leioan antolatu den ekitaldi berezi batean. Saioa 19:00etan abiatuko da, ETBko Teleberriko Kirolen ataleko Ana Ramos kazetariak aurkeztuta. Horrekin batera, Eneko Arruebarrena alkateak eta Isabel Garcia Gizarte Ekintza zinegotziak ere parte hartuko dute. Azken hori eman zituen ekitaldiaren xehetasunen berri atzoko prentsaurrekoan. Izan ere, sari banaketa soila egin ordez, udalerri barruko zein kanpoko eragileak bildu gura dituzte bihar, "Leioak berdintasun arloan egiten duen esfortzua aintzatesteko asmoz". Hori horrela, irabazleak 1.000 euroko saria eskuratuko du. Argazkian, Isabel Garcia Gizarte Ekintza zinegotzia.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun