Ekainaren 7an burutuko diren hauteskunde hauek herritarrengandik duten distantzia gero eta handiagoa da denbora pasa hala. Gurea bezalako nazio txikientzat ordezkaritza lortzea gero eta zailagoa egiten duen Europa honen aurrean, euskal ordezkari politiko gehienak beste herrialdetako indar politikoekin indarrak biltzen saiatzen dira.
Euskal Herria zatikatzen duten estatuetan aurkitzen diren alderdiekin indarrak biltzen saiatzen dira euskal politikariak: galiziarrekin, katalanekin, gaztelarrekin, andaluziarrekin, kanariar uharteetakoekin eta berdeekin.
Euskal Herrian bizi dugun egoera ez demokratikoa dela eta Bidasoako muga dute oinarri deialdi gehienek. Alderdi berberek deialdi ezberdinak egin dituzte Bidasoaren bi aldeetara eta ekainaren 7an, zazpi herrialdetako euskal herritarrak batera bozka emango badugu ere, gure indarrak banaturik agertuko dira. Aukera politiko guztiek modu berean aurkezteko eskubiderik ez izatearen ondorioz, nazio ikuspegiarekin eta bokazioarekin sorturiko hautez plataforma bakarra ere ipar Euskal Herriko hiru lurraldetara mugatuko da.
Bai Euskal Herriari herri ekimenetik euskal herritarroi bat egiteko deia luzatzen dizuegu. Ez hautu politikoari dagokionean, gure nortasuna eta identitatea agertzerakoan baizik. Horregatik ekainaren 7an euskal herritar gisa EHNArekin agertzera, EHNA erabiliaz bozka ematera deitzen zaituztegu.
Euskal Herrian 2009ko maiatzean.
Entzun (mp3) Bai Euskal Herriari ekimenak zabaldutako soinu deia.
Bai Euskal Herriari: "europar hauteskundeetan ere euskal herritar gisa EHNA eskuan"
2009ko eka. 4a, 10:05
2009ko ekainaren 7an, Europar Legebiltzarrerako hauteskundeak burutuko dira Euskal Herri osoan. Zazpi herrialdetako biztanle guztiak deituak dira Europar legebiltzarkideak aukeratzera. Europar Batasunaren aurrean, nazio burujabe izateko eskubidea, borondatea eta asmoa duen herri gisa agertzeak duen garrantzia, ukaezina da. Gainerako nazioen aurrean, gure etorkizuna erabakitzeko dugun eskubidea aldarrikatzeko bat eginik agertzeak, bere biziko garrantzia hartzen duen arren; egun ez dago baldintza demokratikorik ez eta heldutasun politiko nahikorik Euskal Herrian. Argazkian, Bai Euskal Herriari ekimenak ateratako kartela.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun