Romo-Artatza institutuan bozkatu beharko dute Santa Eugeniara joaten zirenek

Europako hauteskundeei begira eta aurrerantzean ere, antzinako Santa Eugenia eskoletan dagoen “Romoko Kultur Etxea” izena duen hauteslekua desagertu egingo da eta bertako 12 hautes-mahaiak Romo-Artatza (Maria Goiri) institutura eramango dituzte. Udal iturrien arabera, "irisgarritasunaren alde egitea" da aldaketa horretarako arrazoi nagusia, "kultur etxean hesi arkitektonikoak daudelako, igogailurik ez dagoelako, mahaietara iristeko korridoreak estuak direlako eta ez dagoelako behar beste gelarik". "Gainera, hautesleku oso zaharra denez gero eraitsi eta auzo eta kultur etxe berria egingo da", aipatu dutenez. Argazkian, kartelak jartzeko hauteskunde panela.