Algortako Bilgune Feministaren oharra:
Abortu eskubidea ukatua da oraindik!
Espainiako ministro kontseiluak abortuaren lege proposamen berri bat onartu zuen. Bertan, 14 asteetarako abortu librea eta 22 astera arteko epean balizko bi egoeretan abortatu liteke. “Partxe” hutsa. Emakumeon eskubideen aldeko ekimen bezala irudikatu duten arren, ez du abortua kode penaletik aterako, ez du kontzientzia eragozpena mugatuko eta finean, abortua delitu izaten jarraituko du.
Honi, eskuinaren eta Elizaren oldarkortasuna gehitu behar zaizkio. Urteetan, printzipio etiko eta moralen gainetik, inposaketaren bidez eraiki duten gizartea bizirautea eta indartzea besterik ez dute nahi. Elizak inposaturiko gizarte eredua: familia nuklearraren aldeko apustua, heterosexualitatea aukera bakar gisa agertzea, sexualitatea amatasunarekin lotzea edota emakumearen funtzioak ama eta emazte izatera behartzea.
Honen aurrean Euskal Herriko Bilgune Feministak ekimena egin zuen [maiatzaren 23an], larunbata. Ikusteko, sakatu hemen.
Gurea da erabakia!
"Abortua libre eta doan" bideoa
Abortu librearen aldeko manifestaziora deitu du Algortako Bilgune Feministak
2009ko eka. 4a, 16:26
Euskal Herriko mugimendu feministak deituta, datorren ekainaren 6an, larunbata, abortatzeko eskubidearen aldeko manifestazioa izango da Bilboko Arriaga antzokitik, 18:00etan. Bada, "Geure gorputza, geure erabakia" lelopeko martxarekin bat egin ez ezik Algortako Bilgune Feminista taldeak ekimenean parte hartzeko deia luzatu du. Horretarako, besteak beste, "Abortua libre eta doan" izeneko bideoa kaleratu du, "abortua eskubidea ukatua dela oraindik" gogoratzeko eta bereziki gai horretan "eskuinaren eta Elizaren oldarkortasuna" agertzeko. Espainiako ministro kontseiluak egin duen abortuaren lege proposamen berriak aurrekoa baino hobea izanik ere "partxe hutsa" baino ez dela salatu du, komunikatu baten bidez, talde feministak. Izan ere, testu berria "emakumeon eskubideen aldeko ekimen bezala irudikatu duten arren, ez du abortua kode penaletik aterako, ez du kontzientzia eragozpena mugatuko eta finean, abortua delitu izaten jarraituko du", BIlgune Feministak adierazi duenez. Argazkian, pasa den martxoaren 8an Algortan egindako mobilizazioa.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun