Imanol Landa alkateak azaldutakoaren arabera (mp3), “dokumentuan jasotzen denez, FFC enpresak, bere enpresan langile berriak hartzeko orduan Getxoko Udaleko Enplegu eta Garapen Ekonomikorako Zentroaren baliabideak erabiltzeko konpromisoa hartzen du, beste batzuen artean; Udalak, bere aldetik, bere enpleguaren eskaintzei modu eraginkorrean erantzuna emateko beharrezkoak diren baliabideak eta langile teknikoak errazteko konpromisoa hartzen du”. Lagunduz enpresarekin sinatutako hitzarmenean egin zuen bezala, "Udalak aurrerapauso bat eman du enpresa publiko zein pribatuekin kolaboratzeko ildoan, enpresa horiek eta langabetuak harremanetan jartzeko lan egin aldera", tokiko agintarik gaineratu duenez.
Getxo Lan-IN
Eremu publiko-pribatuan kokatzen den kolaborazio hori Getxo Lan-IN, Getxo Laneratzen, Getxo Integratzen izeneko proiektuaren harira dator; egitasmo hori, hain zuzen ere, Getxoko Udalak egiten du, Europako Gizarte Funtsaren kofinantzazioarekin, Espainiako Administrazio Publikoen Ministerioaren bitartez. Proiektu honen helburua da langabezian dauden pertsonei lana bilatzea, batez ere, lana topatzeko zailtasun handiagoak dituztenei, trebakuntza ibilbide eta enpresa eta gizarte erakundeekin sarea osatuz egindako lanaren bitartez.
Getxo udalerriko langabetuak kontratatuko ditu FCC enpresak
2009ko eka. 5a, 01:38
Behargintzaren bitartez, FCC (Fomento de Construcciones y Contratas SA) enpresarekin lankidetza hitzarmena sinatu du Getxoko Udalaren Sustapen Ekonomikorako Arloak. Langabezian dauden getxoztarren eta, bereziki, lana topatzeko zailtasun handiagoak dituzten pertsonen laneratzea erraztea du helburu akordioak. Une honetan FCC enpresa Getxoko Udalaren eraikinen eta lokalen garbiketaz arduratzen da eta 120 pertsonek egiten dute lan bertan. Eladio Oribe enpresaren gerenteak gogoratu duenez, “langileek, batez ere, ikastetxetan eta eraikin publikoetan egiten dute lan". Hitzarmen berriri esker, Behargintzak hautatutako pertsonek aukera izango dute uda honetan bertan lanean hasteko, oporretan dauden bertoko langileak ordezkatzeko edo, etorkizunean laneko bajak edo, arrazoi desberdinengatik, bestelakoak egiteko. Argazkian, Imanol Landa alkatea eta Oribe, hitzarmena sinatzen.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun