Espainaiko Gobernuak bi milioi euro gehiago gastatuko ditu Gorliz eta Plentziako hondartzetan
2009ko eka. 5a, 09:19
Juan Carlos Martin Fragueiro Espainiako Gobernuko Itsas Gaietarako idazkari nagusiak eta Mikel Cabieces Madrilgo exekutiboak EAEn duen ordezkariak Gorliz eta Plentzia bisitatu zituzten atzokoan, Ingurumen Ministerioak bertoko hondartzetan egiten ari den lanak ikuskatzeko asmoz. Hain zuzen ere, obra osagarriak egiteko beste bi milioi euro jartzea aurreikusten du Espainiako Gobernuak. Besteak beste, aparkatzeko toki gehiago jarriko dituzte, "Puesto del Carabinero" delako begiratokia konponduko dute eta Gorlizko herrigunetik hareatzara arteko pasealekua atonduko dute. Gauzak horrela, bi hondartzetako lanak 10 milioi baino gehiagotan aterako zaizkio Ingurumen Ministerioari, aurretik 8.049.463 euro emanda baitzituen. Obrak 2009ko azaroan egon litezke bukatuak. Argazkian, Gorliz eta Plentziako hondartzak airetik begiratuta.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun