Iniziatiba Internazionalistak ez ei du euskara defendituko. Hara Nafarroan euskararen egoera hobetzeko aukera izanda, Himalayara oporretan joan zirenen iritzia. Desproportzionatua, duten botere urria eta lehiakidea baldintza prekarioan agertzeak sortu dien urduritasuna. Denbora gutxi beharko da poltronari berrien izaera argi agertzeko. Lagun anarkista batek dioen legez: zatiketa bitxia zuena, kobratu barik eguneroko lan militantean zebilen inor eroan ez dizuena.
Baina hau ez da soilik euskaldunon kontua. ERCri ere zerrenda berera ihes egingo dio milaka botok. Erraz nekatzen da sistemarekin konforme ez dagoena, "flower power", gorbata, funtzionario soldata eta aldaketa oro instituzioen bidez egin gura dituztenez. Horretarako, EAJ eta CiU daude.
Errenta aitorpenean dirua bueltatzen digutenon alderdiari bozkatuko diot nik. "Es que...-tiar" eta "averchalet"-ek inoiz inbadituko ez duten gehiengo sozial internazionalistari.
Fredi Paya bertsolari algortarrak gaur "Berria" egunkarian argitaratutako artikulua
Fredi Paya: "internazionala"
2009ko eka. 5a, 17:24
[Berria.info] Halakoa gura nuke Europa. Nazioen artean eraikia, justizia sozialaren berme, nazioz gaindiko enpresei nazioz gaindiko kontrola eta araudia ezarriko dien tresna bat. Eta ez egungo eredu supranazionala, inork ezagutzen ez duen gazteluaren azken gelako erabakien morroi. Baina Kantauri hegi honetan atomoaren bila jarraitzen dugu. Laster abertzale baino alderdi gehiago egongo dira. Lehoi bi zeuden lekuan bost katu daude, elkarrekin borroka latzean. Bost hilabete eta berrogeita hamar mila boto behar izan dituzte, orain arte eurek ere ezker abertzale zirela esaten zigutenek, ezkertiar eta abertzale soilik eurak direla esateko. Botoek kalte egiten diete, diren bezalakoago agertzen dira. Patxi Zabaletak bere beldurren berri eman digu. Eta gure pentsaera botoz adierazi ezin dugunoi ahotsa eman gura digutenei, espainolista deitu diete. Espainiako langileriak elkartasun handiagoa erakutsi du ahotsik gabekookin ezker abertzale instituzionalak baino.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun