Parte hartzea txikiagoa izaten jarraitzen du Uribe Kostan

Espainiako Barne Ministerioak 18:00etan zabaldutako datuak lau ordu lehenago emandakoak adierazitakoa baieztatu baino ez dute egin. Europako Legebiltzarrerako hauteskundeen parte hartzea txikiagoa da Uribe Kostan, 2004ko bozekin alderatuz gero. 14:00etan, Erandion bozka eman dutenen kopurua handiagoa bazen ere, datu berriak eskuan, parte hartzea orain lau urte baino txikiagoa da Txorierriko udalerririk populatuenean. Dena den, kopuru guztiak %29 eta %37 bitarteko bozka kopuruetan murgiltzen dira. Espainiako Barne Ministerioak jakinarazi dituen datuen arabera, 18:00etan eman den parte hartzerik altuena gure eskualdean, Gorlizen eman da, 14:00etan bezala, bertan %36,62k bozkatu duela, 2004n baino %2,61 gutxiago. Ondoren, hurrenez hurren, honako udalerriek jarraitzen diote: Lemoiz (%36,45, %7,58 gutxiago), Getxo (%36,35, %1,95 gutxiago), Plentzia (%35,46, %6,78 gutxiago), Barrika (%33,85, %5,95 gutxiago), Urduliz (%33,60, %5,01 gutxiago), Berango (%32,05, %3,59 gutxiago), Leioa (%29,76, %3,14 gutxiago) eta Erandio (%29,68, %1,07 gutxiago). Zerrenda Sopelak ixten du. Izan ere, bertan hauteskunde erroldaren %29,20k baino ez du bozkatu. 2004n baino %4,10k gutxiago. Argazkian, hauteskunde panelak Algortan.