Aralarrek oraingo honetan Estrasburgorako txartela hilabete batzuetarako eskuratu badu ere, EArekin egindako koalizioan galdu egin du. Izan ere, biek batera 54.955 sufragio bildu dituzte, 2004n 81.739 izan zituztela. Berriz, Ipar Euskal Herrian, EAk eta ABk sostengatutako Europa Ekologista zerrenda emaitza oso onak atera ditu, %14,5. Ezker Batuari eta Nafarroako Ezker Batuari dagokienez, ez dute lortu bere hautesleei eustea, Estatu espainiarrean IUk egin bezala. Horrela, 38.000 bozetatik 19.840era igaro dira.
Hego Euskal Herria mailan, UPD da zazpigarren zerrenda, 15.098 hauteslek horrela erabakita. Ondoren alderdien pelotoia dator, 10.000 botoetatik behera.
Sozialistak nagusitu dira Euskal Herrian
2009ko eka. 8a, 02:02
Espainia mailan, PP nagusitu bada ere, Hego Euskal Herriari dagoenez, PSOEk lortu du gehiengoa hauteskunde europarretan, 262.987 botoekin, 2004n baino 6.000 gutxiago. Ipar Euskal Herriari dagokionez, PSFk indarra galdu du, %17 eskuratuz, baina oraindik datuak ezin ditugu botoetan eman. Euskal Herriko bigarren indarra EAJ da, Bizkaian garailea, gainera. Guztira, jelkideek 210.641 boto metatu dituzte Hego Euskal Herrian, 40.000 galdu ondoren. Lapurdi, Zuberoa eta Behe Nafarroari dagokienez, %2k eman die bozka. Alderdi Popularra da hirugarren indarra, 191.900 hautes-paperekin. Mayor Orejak 47.000 gutxiago batu ditu oraingo honetan, horietatik 15.000 UPNrekiko dibortzioa dela eta. Ipar Euskal Herrian, ordea, UMP nagusitu da. Ezker abertzaleari dagokionez, lurralde guztietan gorantz doan indar bakarra da eta laugarren indarra izateari ekin dio berriz, 143.872 botoekin. Haietatik, 138.266 izan dira Hego Euskal Herrian eta beste 5.606ak (%2,5) Ipar Euskal Herrian. 2004n, Espainiako Hauteskunde Batzordeak 113.797 boto jo zituen baliogabe. Argazkian, Eider Gardeazabal PSE-EEren eurolegebiltzarkidea eta Ramon Rubial buruzagi historiko erandioztarraren iloba / © PSOE.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun