Ohi denez, azokak aniztasunaren aldeko apustua egin du. Horrela, Euskal Herria osotik etorritako eskulangileez gain, Italiako, Irlandako, Okzitaniako, Portugalgo, Herrialde Katalanetako, Aragoiko, Galiziako, Gaztelako, Leongo, Asturiaseko, eta Andaluziako partaideak egon dira. Hori dela eta jendeak ezagutzen dituen produktuak erosteko aukera izan du, eta baita hain ezagunak ez direnak eta eskulangintza beste era batera ulertzeko bidea ematen dutenak ere.
Artisauen erakustaldiak
Halaber, zuzenean eginiko erakustaldiek arrakasta handia izan dute aurtengoan. Goizez eta arratsaldez, zenbait eskulangile jardun dira zuzenean, publikoak eskulanak nola egiten diren ikusteko. Aurten, Toledoko Fatima Carrasco eskulangileak eskuz eta goruz eginiko irutearen teknikak erakutsi ditu. Bestalde, Belen Alonso eskultore asturiarrak harri-zizelkatze tekniken erakustaldia egin zuen. Azenik, Jose Ramon Agirre kandelagile bilbotarrak argizaria nola lantzen den azaldu eta erakutsi zuen. Gainera, eskulangile azken horren eskutik, gaztetxoenek kandelagintza ezagutu ahal izan zuten, haurrentzako tailerra egon da eta. Aurten ere Gastronomiaren Gunea arrakastatsua izan da. Bertan 14 postu egon dira eta bisitariek gozokiak, ogiak, ahatekiak, txokolateak, jatorrizko deitura duten gaztak eta garrapiñatuak erosteko aukera izan zuten, besteak beste.
Datorren urteko azoka
Datorren urtean azokak XXVII. urteurrena beteko du eta iaz hasitako filosofiari eutsiko dio, publikoak "harrera paregabea" egin dio eta. Hori dela eta, estalperik gabe egingo da azoka eta sarrera doakoa izango da. Horrezaz gain, zuzenean egiteko erakustaldien eta haurrentzako tailerren guneak bultzatuko dira.
Pasa den ostiralean Areetan eta Itzubaltzeta / Romon hasi eta atzo bertan bukatu zen Getxoko XXVI. Eskulangintza Azokak "jai aparta" bilakatu zela eta hiru egunetan 50.000 pertsona bildu dituela zabaldu du gaur Getxoko Kultur Etxeak. Tokiko erakundearen arabera, aurtengo azokak 2007ko emaitzak berriro ere eskuratu ditu. Urte horretan lehenengo aldiz ospatu zen ekimena aire zabalean. Iaz, berriz, euri zaparradek eragotzi zuten bisitarien etorrera. Horrela, aurten Areetako Xake plaza eta inguruak "jendez beteta" egon dira. Salmenta guneaz gain, Itzubaltzeta / Romon erakustaldiak zuzenean egiteko gunea egon da, ohi bezala, gastronomia-saila Ibaiondo kalean kokatu zela. Salmentei dagokienez, "emaitza bikainak" egon dira, egoera ekonomikoa aproposena ez izan arren. Ostiralean, azokak jende ugari ekarri zuen Areeta eta Itzubaltzeta / Romora lehenengo ordutik. Azokan 100 salmenta-postu egon dira eta bisitariek 28 espezialitateko artikuluak ikusteko eta erosteko aukera izan dute. Larunbatean eta igandean publikoak bete egin zuen plaza, nahiz eta aurten karparik ez egon eta postuen arteko korridoreak zabalagoak izan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun