Amnistiaren Aldeko Mugimenduaren oharra:
Kepa Arizmendi euskal iheslari politikoa hil da Baionan garun-isuri bat izan ondoren
Gaur goizean kalean zihoala izan du isuria eta kalean bertan hil da. Elizondokoa izatez, urte asko zeramatzan iheslari politiko bezala Baionan bizitzen.
Kepa Arizmendi euskal iheslari politiko zendu da Baionan:
Gaur goizeko 10etan Baionan kalean zihoala garun isuri bat izan du eta kalean bertan hil da Kepa Arizmendi. Urte asko zeramatzan Kepak iheslari politiko bezala Lapurdin bizitzen. Keparen gorpua une hauetan Baionako belatokian aurkitzen da. Oraindik ez dakigu nola emango zaion azken agurra.
Amnistiaren Aldeko Mugimenduaren gogoeta:
Une latz hauetan Amnistiaren Aldeko Mugimendutik Keparen senide eta hurbilekoei gure berotasuna eta babesa adierazi nahi diegu.
Ehundaka izan dira azken urteotan torturatuak eta espetxeratuak izatea ekiditearren beraien sorterritik ihes egin beharrean aurkitu dira euskal herritarrk. Egun munduan zehar barreiaturik daude ehundaka iheslari politiko, herritik urrun, asko baldintza gogorretan eta poliziaren presiopean bizitzen. Asko dira halaber Euskal Herrian bertan iheslari politiko bezala bizi direnak ere.
Iheslarien aurkako jazarpenak ez du etenik izan eta ugariak izan dira munduko herrialde ezberdinetan atxilotuak izan ondoren espainiar polizien edo epaileen esku utzi dituztenak. Momentu honetan gogora ekarri nahi dugu pasa den abenduan bertan Juan Mari Mujika iheslari politikoa bahitua izan zela polizien eskutik. Ezin aipatu gabe utzi oraindik orain desagertua jarraitzen duen Ion Anzaren kasua.
Iheslari politikoak espainiar errepresioaren jomugan jarraitzen dute, eta presio honek eta sorterritik kanpora bizi beharrak eragin nabarmena du iheslarien osasun egoeran. Une honetan ozen aldarrikatu nahi dugu euskal iheslari politikoek euskal herrian libre bizitzeko duten eskubidea.
Amaitzeko, Amnistiaren Aldeko Mugimendutik dei egiten dugu heriotza honen aurka protesta egiteko antolaturiko diren mobilizazioetan parte hartzera.
Kepa Arizmendi, Elizondoko iheslari politikoa hil da gaur goizean Baionan. Amnistiaren Aldeko Mugimenduak jakinarazi duenez, Arizmendi kalean bertan zendu da, goizeko 10ak aldera garunean isuri bat pairatu ostean. Errepresioaren aurkako mugimenduak gogoratu duenaren arabera, "Urte asko zeramatzan Kepak iheslari politiko bezala Lapurdin bizitzen". Dagoeneko, Arizmendiren gorpua Baionako belatokian dago, baina azken agurra zelan emango dioten oraindik ez dakite. AAMk "gure berotasuna eta babesa" agertu dizkie Arizmendiren senide eta hurbilekoei. Era berean, heriotza horren aurrean antolatuko diren mobilizazioetan parte hartzera deitu du. Horretaz gain, oraindik orain Jon Anza militante donostiarra desagertua jarraitzen duela salatu du AAMk. Azkenik, Euskal Herrian zein aberritik kanpo bizi diren euskal errefuxiatuak eta iheslariak ehunaka direla, baita "baldintza gogorretan eta poliziaren presiopean" egiten dutela gogoratu dute. Horren aurrean, "euskal iheslari politikoek euskal herrian libre bizitzeko duten eskubidea" aldarrikatu dute. Argazkia: Askatu.org.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun