Algortako Fadura kiroldegiko kanpoko igerilekuak eta eguzkitan egoteko tokia larunbat honetan, ekainak 13, zabalduko ditu Getxo Kirolak erakundeak. Aurrekoetan bezala, berdeguneez, egunero disfrutatu ahal izango da, 10:00etatik 21:30era. Era berean, Kultur Etxeak irakurtzeko gunea jarriko du igerilekuen erabiltzaileentzat, udaldian irakurketa sustatu nahi duen “Letren Terrazak” ekimenaren barruan. Bestalde, Getxo Kirolak erakundeak “Ateak zabalik” jardunaldia antolatu du iganderako. Udalerriko klubekin elkarlanean, herritar guztiei zuzendutako astialdiko eta kirol jarduera ugari izango dira. Horrela, 10:00etatik 14:00etara, eskaintza anitza izango dute Fadurara hurbiltzen direnek: errugbia, txirrindularitza, atletismoa, tenisa, patinajea, hockeya, padela, saski baloia, esku baloia, herri kirolak, kirol egokitua, pilota, spining-a, aerobic-a, boleibola eta futbola, tartean. Argazkian, Algortako Fadura kiroldegia.
Bizkaiko Foru Aldundiak sustatutako ekimenean 38 udalerrik hartzen dute parte. "Europako Batasunak kirola egitea herritar guztien eskubidea izateko duen nahiari erantzuten dio; baita batzeko tresna eta asti osasuntsuaren aldeko heziketa eta alternatiba izateko asmoari ere", udal iturriek aipatu dutenez.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun