Sopelako Tai Ji elkarteak Tai Ji Topaketaren laugarren edizioa antolatu du hilaren 21erako (igandea). Egun horretan, borroka-arte horren inguruko jarduerak hartuko ditu Balea parkeak bost orduz. Izan ere, goizeko 9etatik arratsaldeko 2etara, hainbat Tai Ji taldek erakustaldiak egingo dituzte. Era berean, ikasteko gogoak dituenak praktikatu ahal izango du, edonork parte har baitezake topaketan eta horretarako ikuskapena izango duela. Era berean, taldeen arteko elkartrukeak izango dira eta bakoitzaren esperientziak partekatuko dituzte giro jator eta osasuntsuan. Sopelako Tai Ji elkarteaz gain, oraingoz beren parte hartzea baieztatu dute Uribe Kostako beste bi taldek: Berangokoa eta Plentziakoa. Argibide gehiagorako, antolatzaileekin harremanetan jar daiteke taitxitaldea[abildua]yahoo.es posta elektronikora idatziz edota 606 381 061 telefonora arratsaldez deitzen. Argazkian, David Bustamante "Zuku", gorriz, bere ikasleekin aurreko Tai Ji Topaketa batean / © Sopelana.net.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun