Bestalde, Udaltzaingoak bi andrazko identifikatu zituen pasa den ostiralean, hainbat diru-zorro lapurtzea egotzita. Poliziak bi andrazkoen atzetik zebiltzan, hainbat salaketa jaso eta gero. Dirudienez, udalerriko saltoki handietan lapurtu dute beti eta biktimak pertsona edadetuak izan dira, tokiko iturrien arabera. Abilezia handiz, biktimek dendako produktuak hartzen zituzten bitartean, oharkabetzen ez zirela baliatuta, disimuluz euren parean jarri, poltsan eskua sartu eta diru-zorroa lapurtzen zieten. Gertatutakoaz ez zen konturatzen biktima kutxara iritsi arte, ordaintzeko diru-zorrorik ez zuela ikusita.
Kantabriatik
Lapurreten egileek aurrekari ugari dituztela adierazi du Udaltzaingoak; eta lapurretak egiteko Kantabriatik datozela. Ekainaren 5ean, kalez jantzitako udaltzainek ikusi eta zaintzapean izan zituzten Algortako supermerkatu batean. Saltokitik ateratzerakoan gelditu egin zituzten eta ostutako diru-zorroa atzeman ei zieten. Horregatik, lapurreta hori eta udalerrian egindako beste batzuk egotzi dizkiete. Halaber, jakin izan dute emakume horiek Ezkerraldean eta Bizkaiko beste udalerri batzuetan izandako lapurreten egileak izan daitezkeela. Leku jendetsuetan poltsekin kontuz ibiltzeko gomendatu die herritarrei Udaltzaingoak, beti itxita eta eskutik helduta eramatea, alegia.
Gizon bat atxilotu dute Getxon beste baten kreditu-txartelaren kopia erabiltzea egotzita
2009ko eka. 11a, 00:06
Getxoko Udaltzaingoak Berangoko 44 urteko gizonezkoa atxilotu zuen atzo, berarena ez zen kreditu-txartelaren kopia erabili duelakoan. Iruzur delitua leporatzen diote. Tokiko iturrien arabera, ikerketa maiatzean abiatu zuten, txartelaren jabeak salaketa ipini eta gero. Antza, bere kreditu-txartelaren bitartez, 5.000 euro inguruko ordainketak egin zituztela ohartu zen hori. Berak egindakoak ez zirenez, susmatu egin zuen baten batek txartelaren kopia egina zuela. Ikerketaren ardura zuten udaltzainek mugatu egin zituzten legez kanpo egindako mugimendu zehatzak eta horiek zein lekutan eginak zeuden. Hainbat ikerketen ondoren, ordainketak egin zituen pertsona nor zen jakitea lortu zuten; eta gero, atxilotu egin zuten. Kreditu-txartelaren kopia egiteko erabili zuen sistema ikertzen segitzen dute oraindik, baina susmoa dago jabeari txartelak bidalitako eskutitzetan ez ote zuen eskua sartu, txartel bateren kopia egin eta hori erabiltzeko ezkutuko zenbakiak lortuz. Atxilotua, epailearen esku utzi zuten atzo, deklarazioa hartu eta gero.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun