Letra bi paradoxen gainean eraikita dago. Alde batetik, badugu/ez dugu eta beste aldetik, txikia/handi. Letra eskuan, Arkarazorengana jo zuten ekoizteko eta Negu Gorrien gitarra jole ohia arduratu zen musikari guztiak bilatzeaz.
Bestalde, Pello Urzelaik gogoratu zuenez, "Andra Marik 40 urteko ibilbidea egin duen arren ez du ez espazio propiorik, ez eta egokirik ere. Aurtengo Oinezen helburuetako bat azpiegitura lortzea da, alegia, etorkizuna bermatuko digun eraikina sortzea".
"Txikia handi" 2009ko Nafarroa Oinezeko abestiaren bideoa:
"Txikiak handi (mp3)" urriaren 18an Etxarri-Aranazen izango den aurtengo Nafarroa Oinezen abestia dagoeneko entzungai eta ikusgai dago. Atzo bertan Iruñean ezagutarazi zituzten hainbat musikari eta teknikoren sorkuntza eta ahalegina batzen dituzten kanta eta bideo-klipa:. Nafarroako Ikastolen Elkartean, Pello Urzelai Etxarri Aranazko Andra Mari Ikastolako presidenteordea, Manu Gomez, Nafarroa Oinez 2009ko jarduera batzordekidea eta Kaki Arkarazo, musika sortzaile eta ekoizleak horren inguruko zehaztasunak eman zituzten. Gomezek azaldu zuenez, "hasieratik planteatu genuen abestiaren bidez gure mezua zabaltzeko edo hedatzeko tresna garrantzitsu bat izanen zela eta nolabait letran ez ezik, letra egile eta musikarien bidez ere irudikatu nahi izan dugu. Horrela, gure ikastola bezala, ibilbide luze eta oparoa duen idazle batek helarazitako letrarekin burutu dugu aurtengo Nafarroa Oinezen abestia. Letra, Joseba Sarrionandiak egin du". Argazkian, abestiaren grabazio taldea. Atzeko ilaran ezkerretik eskuinera Amets Larraza (Hesian), Lur Larraza (La Betty Travan), Petti eta Martxel Arkarazo. Behean Fran Urias (Hesian), Igor Artieda (Oinez09 jardueretako arduraduna), Kaki Arkarazo eta Luisillo Kalandraka (Vendetta) / © Nafarroa Oinez.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun