Eskaerak honako toki hauetan aurkeztu ahal izango dira: udaletxean, Algortako, Itzubaltzeta / Romoko eta Getxoko hiritarren arretarako bulegoetan eta Hiritarren arretarako gunean, Udaltzaingoaren egoitzan.
Txosnek hainbat mezu zabaltzea debekatuta izango dute
Getxoko Udaleko Kultur eta Kirol Arloak zabaldu duenez, "adjudikatzearen alderako kontuan hartuko dira elkartearen beraren izana, gure udalerriko gizartean duen finkatzea edo zeinen errotua den, 2008ko kontuen egoera eta 2009rako aurrekontua eta egitasmoa, ateratako etekin ekonomikoak Getxon garatuko diren ekimenetara zuzentzea eta aurreko urteetako txosnen esleipenaren baldintzak ez betetzeagatik zigor-espedienterik ez izatea".
Txosna izango duten elkarteek adjudikatze-dekretua bete beharko dute, soinu mugak, ordu-tarteak eta beste kontu batzuei dagokienez. Era berean, eta aurreko urtean bezala, txosnei muga labainkorrak jarriko diete adierazpen askatasunaren arloan. Izan ere, Udalak zehaztu duenez, txosnek "ezin izango dute oinarrizko eskubideak urratzen dituzten jardunen berri eman eta zabaldu, gizabanako guztien eskubideak eta askatasuna errespetatu aldera", horrek argi eta garbi zer esan nahi duen udal buruzagien erabakiaren pean gelditzen dela. Gainera, debekuarekin jarraituz, txosnek ezin izango dute "Udalbatzan onartutako Udal Planen (Berdintasuna, Gazte, Drogomenpekotasunak, Inmigrazioa,...) aurka egin". Udalak ezarritako betebehar horiek ez betetzekotan isuna jasoko dute. Txosnak, bestalde, gutxienez jaiak hasi baino 96 ordu lehenago ipini beharko dituzte.
Datorren ekainaren 29ra arte zabalik egongo da Getxo udalerriko kultur eta kirol elkarteentzat Algorta, Itzubaltzeta / Romo eta Portu Zaharreko jaietan txosna ipintzeko eskaera aurkezteko epea. Udalerriko 22 kirol edo kultur elkartek ustiatu ahal izango dituzte txosnaren edo txosna zatiren bat, deialdi horren arabera. Deialdian izena emango duten elkarteek hainbat baldintza bete behar izango dute. Esate baterako, Getxoko Elkarteen Udal Erregistroan 2009ko apirilaren 1a baino lehen izena emanda behar dute izan. Elkarteek jai baterako edo gehiagorako txosna bana eskatu ahal izango dute, lehenetsitako tokia agertuz. Iaz bezala, Algortako Saninazioetan lau txosna handi esleituko dira, bina talde izango dela txosnako eta alkoholik gabeko txosna ere izango da (talde batentzat); Itzubaltzeta / Romon bost txosna txiki egongo dira, talde bana txosnako, edo bi txosna handi, bina talde izango direla txosnako; eta azkenik, Portu Zaharrean lau txosna handi izango dira, hemen ere bi talde txosnako. Argazkian, 2006ko Algortako Saninazioetan Getxoko Udalak txosna eman ez eta ostatu ilegala paratu zuten herriko dozenaka gaztek Getxo Antzokiko plazan. Udaltzaingoak hori eraman ondoren, irudian agertzen den egurrezko txosna eraiki zuten gazteek.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun