Atzo sinatu zituzten lankidetza hitzarmenak. Ekitaldian, elkarte horiek egiten duten lana goraipatu zuen Imanol Landa alkateak (mp3), “horiei esker kolektibo horien errealitateak hobe ezagut daitekeelako eta horrela era egokiagoan lan egin. "Udalak herritarrek lan hori ezagutzeko esfortzua egin behar du, baita gizarte zibilaren partaidetza eta boluntariotza soziala sustatu ere", aipatu zuenez. Tokiko agintariak gaineratu zuen hitzarmenek lan egiten jarraitzeko egonkortasuna eskaintzen diela elkarteei, “segurtasun ekonomikoak baliabideak edukitzea eragiten eta horrela lasaitasun handiagoarekin lan egitea ahalbideratzen baitu”. Gizarte Zerbitzuen Erakunde Laguntzaileak elkarte publiko zein pribatuak dira, irabaz asmorik gabekoak, eta horien helburu nagusia bat dator Getxoko Udaleko Gizarte Zerbitzuen Arlokoarekin. Beraiekin sinatutako hitzarmenen helburuak dira: arazoak konpontzeko gizarte zibilaren parte hartzea bultzatzea; udalerrian dagoen elkarteen sarea bultzatzea; gizarteko boluntario-lana bultzatzea; eta Gizarte Zerbitzuen alorreko jardueren garapenera zuzendutako proiektuak diruz laguntzea. Helburuak betetzera laguntzen duten entitateen jarduerak, besteak beste, baztertutako kolektiboak gizarteratzea eta bazterketa prebenitzea, eta minusbalioa edo bestelako arazoak dituzten pertsonen bizi-baldintzak hobetzea dira. Programa horien artean, gaixotasun batzuek kaltetutako pertsonei eta euren senideei norbanako arreta eskaintzea dago; Down gaitzak edo adimeneko beste gaixotasun batzuek kaltetutako pertsonei aisiarako ekimenak eskaintzea; boluntarioen topaketak edo hirugarren adinekoentzat eguneko zentroetako jarduerak antolatzea.
Elkarlana
“Getxoko Udalak oso garrantzitsutzat jotzen du elkarteekin batera lan egitea eta bide horretatik segitzeko asmoa dugu; beti uste izan dugulako gure begiak eta eskuak direla eta, horiei esker, Administrazioa beste moduan ailega ezin daitekeen tokietara heltzen da. Ekintza solidarioa, ilusio kolektiboa eta borondatezko lana dira elkarteen ezaugarriak, zail gaindi daitezkeen baloreak", Elena Coria Gizarte Zerbitzuen arloko zinegotziak (mp3) adierazi duenez. Bestalde, elkarteen ordezkariek lankidetza-hitzarmenak eskertu dituzte, “Getxoko herritarrekin era antolatuagoan eta segurougoan lan egitea ahalbideratzen baitute”. Nagusien elkarteen kasuan, hitzarmenak dakarren onarpena ere eskertu dute, baita “urteetan zehar pilatutako eskarmentuari esker beren balioa gizarteari emateko eskubidea” aldarrikatu ere.
Kolaboratzeko era gehiago
Udalak, aipatutako diru-laguntzez gain, elkarte laguntzaileekin kolaboratzeko beste bide batzuk ditu, horien artean, udal lokalak uztea. Helburuak erakunde laguntzaile guztiak udalerrian egoitza edukitzea bermatzea euren proiektu eta jarduerak aurrera eramateko eta gizarteko boluntario-lana eta elkarteen sarea bultzatzea dira.
Gizarte Zerbitzuen arloko zazpi elkarteekin hitzarmenak berritu ditu Getxoko Udalak
2009ko eka. 11a, 20:28
Gizarte Zerbitzuekin elkarlanean aritzen diren 7 elkarterekin sinatutako lankidetzako hitzarmenak berritu ditu Getxoko Udalak. Guztien artean 101.338 euro banatuko ditu tokiko erakundeak. Horrela, adimen urritasuna duten pertsonei eta horien senideei laguntzeko Uribe Kostako elkarteak 50.000 euro jasoko ditu; Itzubaltzeta / Romoko Ibar Nagusien Etxeak 18:000 euro; APNABI, autismoa eta beste psikosi batzuk jotako haurren gurasoen elkarteak 12.000 euro; FEGEVOL, elkarte boluntarioen Getxoko federazioak 9.000 euro; BIZKEL, bizkar muina kaltetua daukatenen elkarteak 4.738 euro; Down gaitzak jotakoen aldeko fundazioak 4.600 euro; eta Getxoko Nagusien Etxeko Urte Alaiak 3.000 euro. Aurrerantzean, Udalak beste lankidetza-hitzarmen batzuk sinatuko ditu, tartean, Caritas, Gurutze Gorria edo Algortako Portu Zaharreko mojekin. Bitartean, larunbat honetarako, ekainak 13, jaialdia antolatu du Getxoko Jesusen Bihotza udal zahar-etxeko lorategietan Uribe Aldeko Gurutze Gorriak, 16:30etik aurrera. Ospakizunaren 17. edizioan, Itxas Argia Dantza Taldeak, Algortako Dorita Marin Dantza Eskolak eta Portugaleteko Ballet Klasikoko Eskolak parte hartuko du. Horretaz gain, ohiko bilbainadekin alaituko dute jaia Iñaki Basabek eta Conchi abeslariak, 18:30ak bitartean. Argazkian, elkarteen ordezkariak Imanol Landa alkatea eta Elena Coria zinegotziarekin.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun