Beste urte batzuetan bezala, egun bietan zehar izango da kale animazioa, zalditxoetan ibilaldiak egiteko aukera, uztai jaurtiketa, umeentzako jolasak, tailer erakusketak, talo eta txorizo dastaketa eta arabiar haima. Horrez gain, urtero bezala, eskuz eginiko produktu naturalak izango dira salgai.
Egitaraua:
Larunbateko inaugurazioa:
11:00 Adarraren deia, txalaparta eta hegazti batek ekarriko duen pregoia irakurriko du Iñaki Goirizelaia EHUko errektoreak.
Larunbata eta igandea:
11:15 Dama eta zaldunen ibilaldia azoka gunetik musikaz eta Urculeo bufoiak lagundurik.
12:00 Ehiza-hegaztien ikuskizuna euskaraz.
12:30 Dantzak Intxurtxu taldearekin.
12:45 Iparreco Iaunac taldearekin Erdi Aroko agerraldiak, euskal kanpamendu zibila eta militarra jarriz.
13:30 Sabel Dantza
14:00 Torquemada inkisidorearen eta bere jarraigoaren etorrera.
14:30 Atsedenaldia.
16:30 Diz-diz antzerki taldea.
Larunbata:
17:30 Gotzainaren etorrera.
18:00 Jeperut Ildefons, Butroeko Juan Perezen ustezko sasikumea.
18:30 Ganboatar dama baten eta oinaztar jaun baten arteko ezkontza. Ezkon jaialdia eta ganboatar eta oinaztarren arteko liskarra.
20:00 Inkisidorearen etorrera frantziskotar fraide batek iragarria.
20:15 Burugabeko zaldunaren etorrera beldurgarria.
21:30 Oveux Magikoa agertzen da, maitagarrien mezularia.
22:15 Heriotzaren gurdia kaleratuko da.
23:00 Zorginen ordua, herensugearen odolaren prestaketa eta hartzea.
Igandea:
17:45 Zaldunen arteko borroka erakustaldia.
18:45 Torquemada inkisidoreak Butroe utziko du.
19:20 Burugabeko zalduna Lurreko erraietara itzuliko da.
19:45 Oveux Magikoa basoetara itzuliko da.
20:35 Bukaera suzirigintzarekin.
Egun bietan:
Kale animazioa.
Asto ibilaldiak.
Uztai jaurtiketa.
Umeen jolasak.
Tailer erakusketak.
Talo eta txorizoaren dastaketa.
Arabiar haima.
Uribe Kosta eskualdeko mugetatik gertu, Gatika aldean, asteburu honetan egingo dute Butroeko Erdi Aroko VI. Azoka, Intxurtxu kultur taldeak antolatuta. Azoka 11:00etan zabalduko du bihar Iñaki Goirizelaia EHUko errektoreak. Adarraren deiaren ondoren, hegazti batek eramango dio pregoia, irakurri dezan Jarraian, dama eta zaldunen ibilaldia izango da, musika eta bufoien laguntzarekin, euskaraz izango den ehiza-hegaztien ikuskizun bati paso emanez. Aurtengo berrikuntzarik nagusia historiako gertaeren interpretazioa izango da: larunbat goizean, gotzainaren etorrera Butroera; Jeperut Ildefons, Butroeko Juan Perezen ustezko sasikumea; inkisidorearen etorrera frantziskotar fraide batek iragarria; burugabeko zaldunaren etorrera beldurgarria; edota maitagarrien mezulari Oveux Magikoaren agerraldia. Bihar arratsaldean, ganboatar dama baten eta oinaztar jaun baten arteko ezkontza ere egongo da, ezkon jaialdia eta ganboatar eta oinaztarren arteko liskarra izango direla.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun