Aldi berean, asmoa da kanpaina biderkatzea, diseinu berberarekin, baina testu desberdinak erabiliz. Horrela, diseinuak marka hori Ikus-entzunezko Gastronomia eta Zinema Jaialdia-Cinegourland edo "Getxo Hareatan Goza” (Udalak Ereaga hondartza dinamizatzeko bultzatutako jarduerak) ekimenetan agertuko diren “Getxo Look & Food” edo “Getxo Ikus ta Jan” leloekin ere erabiltzea ahalbideratuko du. Landak gehitu duenez (mp3), “leloak bizitza ugari izango ditu, mezuak biderkatzeko duen ahalmenak bai getxotarrentzat bai kanpokoentzat Getxo bultzatzeko dugun helburua lortzera lagunduko duela uste dugulako”.
Euskarriak
Kanpainak euskarri desberdinak izango ditu eta Getxon, Bilbon eta Bizkaiko beste herri batzuetan ikusi ahal izango da. Honako euskarri hauek erabiliko ditu: metro geltokiak, autobusetako markesinak, iragarkiak hainbat hedabidetan, irratietan ere iragarki laburrak eta abar. Era berean, azpimarratu udalerriko komertzioen laguntza ere eskatu duela Udalak, esate baterako, beren erakusleihoetan binilo batzuk ipintzeko eta bezeroei kanpainaren leloa duten txapa batzuk emateko. “Publizitate-euskarrien bidez mezua jasotzen dutenek merkataritza sarean ere ikustea da asmoa, harremana zuzena izan dadin”, esan du Landak.
Kanpaina horren ostean beste batzuk etorriko dira, horiek guztiak Gobernu taldeak merkataritza eta ostalaritza dinamizatzeko duen helburuari lotuta, "gure udalerriarentzat aberastasuna sortzeko helburuarekin", alegia. Izan ere, Getxoko txikizkako merkataritza dinamizatzea da Planaren helburu nagusia, Getxo erosketa, astialdi eta auzokideen eta bisitarien arteko harreman sozialerako erreferente bihurtu aldera, tokiko arduradunen hitzetan. Euskal Herriko Unibertsitateko Ekonomika eta Enpresa Fakultateko Enpresako Ekonomia Aplikatuko Institutuko aditu batzuek prestatu dute egitasmoa, Udalak hala eskatuta.
Merkataritza jarduera eta ostalaritza sustatzeko kanpaina berria abiatu du Getxoko Udalak
“Getxo Shop & Fun” (Getxo, erosi eta gozatu) lelopean, udalerriko merkataritza jarduera eta ostalaritza sustatzeko ekimena abiatu du, udaldiari begira, Getxoko Udalak. Komunikazio eta publizitate kanpaina berrian, hainbat hizkuntza erabili dituzte: espainola, ingelesa eta euskara, hurrenez hurren. Horren irudia "bereziki zaindu" dute, tokiko iturrien aipatu dutenez, "barruko publikoa (auzokideak) zein kanpokoa (bisitariak eta turistak) aintzat hartzeko". Getxo udalerriaren "irudi modernoagoa eta modakoa" eskaini nahi du kanpainak. Imanol Landa alkateak aurreratu duenez, “Getxo lehen mailako merkataritzako eta astialdirako hiri bezala bultzatu nahi dugu: batetik, udalerriko merkataritza eta ostalaritza sareak erosteko eta disfrutatzeko denon gustukoak diren amaigabeko aukerak, kalitatezkoak gainera, eskaintzen dituela azpimarratuz. Aldi berean, aniztasun handiagatik oso ezaguna da aipatu merkataritza eta ostalaritza sarea". Kanpainak nabarmendu gura da "hori guztia, paisaia ikusgarriekin eta monumentu ondare handiarekin inguraturik, eta bereziki udan kultur eta kirol jarduera ugarirekin, hondartzarekin, olatuekin, haizearekin, musikarekin edo antzerkiarekin batera gozatu ahal dela”, udal agintariak adierazi duenez (mp3). Argazkian, Imanol Landa alkatea (zutik) eta Aitor Soloeta Turismo, Ogasun eta Ekonomia Sustapenerako zinegotzia, gaur, kanpaina aurkezten / © Getxoko Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun